کولت. آذ واقیف نصیبین "صفوی بوتاسی" آدلی حکایه‌سینین اوچونجو حیسه‌نی تقدیم ائدیر:

شئیخ جونئیدین وارلیغی ائله بیل ایلاهی نوردان یوغرولموشدو. همین نور بیر آن اولسا پاریلتی‌سینی ایتیرمه‌ییب، نورانی سیفتین‌دن برق ووروردو. همین نور زامان-زامان دوشوندوک‌دن سونرا، همین مقدس آدامین اوریینی قیزیلباش‌لیغینا دؤندرمیش‌دی. بو ایچینه دوشدویو جهانی آغلی، درراکه‌سی ایله اوجالا بیلدیی بیر زیروه‌دن هم گؤره، هم درک ائده بیله‌ن آدامی همین عقیده‌یه اذانی ایله اویاندیقلاری، نامازی ایله اللری، اوجا الله‌دا اییلیب قالخدیقلاری مقدس دینلرینین باشی اوسته اوچان یاد، قارا "چالاغانلار" گتیرمیشدی. همین "چالاغانلار" اؤز دین جاسوسلارینی مسلمانلار آراسینا سالیب اونلاری سنی و شیعه‌یه چئویره بیلمیشدیر. حالبوکی، رسول اللاهلاری بیر دین و ایمان صاحبی اولموش مسلمانلارینی همین یگانه دین و ایمانین یولچوسو ائتمه‌یه چالیشمیشدی.

شیخ جونید اؤز قیزیلباشلیق عقیده‌سی ایله همین یگانه دین و ایمانا قاییدیشی مومکون حساب ائدیردی. اونو حضرت پیغمبرین اؤزونون ایمانی حساب ائدیب، همین یولدا ساواشا حاضیرلاشیردی. شیخ جونید بونو سنی و شیعه داواسی حساب ائتمیردی. سوننی و شیعه‌لرین بیر ایمان‌دا بیرلشیب نیفرت کامانلارینین اوخلارینی یاد چالاغانلارا توشلایا بیلمه‌سی ساییردی.

ایسماییل بوتون اوشاقلار کیمی، باباسینا داها چوخ مهر و محبت سالیردی. اونون گؤزو و سؤزونون نورویلا اوریینی قیزدیریر، گؤزو و زکاسینی ایشیقلاندیرماغا چالیشیردی. ایسماییلین ان بؤیوک بایراملاری باباسییلا طبیعت قوینونا سفرلری اولوردو. بئله یوروشلرین‌ده او، باباسینی هم کناردان نئجه وار ائله گؤره بیلیر، هم ده اونسیتلری زامانی نئچه منزیل یاخینلاشماغی باجاریردی.

ائله بیل طبیعت ده همین نور پارچاسینین بوتون جانلیلارییلا یولونو برابر گؤزلییردی.

چیچکلر کپنک، کپنکلر قوش اولوب اونون اللرینه قونماغا چالیشیردی. قوراق یئرلر دیل چیخاریب اوندان سو، سفردن قالمیش قانادی قیریق قوشلار الاج ایستییردی.

بابا-نوه صحبتلری زامانی بیری باغبانا، او بیری ده اونون فیدانینا چئوریلیردی. و هر دفعه، همین سفرلرده چؤللرین نئچه قؤنچه‌لری سایاغی ایسماییلین آرزو و دیلکلری آچیلیردی.

نوه‌سینین گؤزلرینین جیغیرلارا دیکیلدیینی گؤره‌ن‌ده بیر دفعه باباسی، اونون گله‌جک آرزولارینا دوغرو یول آچماغا چالیشمیش‌دی.

- گؤردویون او جیغیرلارین هره‌سی بیر سمته اوزانیر. هامی‌سی دا بؤیوک یولا جالاماق ایستییر. ایندی ایسماییل قوچوم سؤیله‌سین گؤروم او اؤز جیغیرییلا هان‌سی مثلاًین بؤیوک یولونا چیخماق ایستییر.

ایسماییل اونسوز دا باباسینین باخیشلارین‌دان بیر شئی گیزلتمیی مومکون‌سوز حساب ائدیردی. اونا گؤره اوریینی باباسینا اوخوتدورمور، ائشیتدیریردی.

- من هر سؤزو، کلمه‌نی ائشیتدیکجه، گؤزومله اونون شکلینی ده چکیرم. گؤردوکلریمیز اؤزلری اجدادلاریمیزا آدلارینی یارادیب. شیریل‌دایان بیر شئیه شیرشیر، قورول‌دایانا قورباغا دئدیزدیریب. سؤزلری ساپا دوزوب اینجیلر یارادا بیله‌نلری نظامی، فیردووسی اولوب، اوستاد محمدلر ده اونلاری فیرچالارییلا جانلان‌دیرماق ایسته‌ییب.

- ایندی سنه ایپکدن ساپلار، یا جیران توکوندن فیرچا آلماق لازیمدی.

- هله‌لیک، ایچیم‌ده پهلوانلار کیمی ایکی آرزوم گوشتونو توتمادادی. اینشاللاه، بیر آز صبر ائدیب اونلارین هان‌سینین او بیری‌سینین کوریینی خالییا وورماغینی گؤزله‌یه‌جه‌یه‌م...

...اوشاق یاشلارین‌دان ایسماییلین بیر قولاغیندان باباسی شیخ جونیدین، او بیریسیندن آتاسی شیخ حیدرین "سیرغالاری" آسیلدی.

شیخ جونید: صنعت عشقی گؤردون کی، قانینا قاریشیب، اونا دؤنوکلوک ائتمه. اینسان محبت اؤولادی عشق‌دیر. اونو سؤن‌دورسه سؤنر...

شیخ حیدر: - سن گونلرین بیر گونو عقیده‌میزین سرکرده‌سینه چئوریله بیلرسن. باخ او زامان قرارلارینی، قله‌مینین یوخ، قیلینجینین گوجویله وئر. چونکی قله‌م اورکدن قیدالانیب دمیرچی کؤرویونده‌کی پولاد کیمی مایع اولور. سرکردلیین قرارلاری همین ارینتینین قیلینجا چئوریلمه‌سینه، سویلا برکیمه‌سینه بنزه‌مه‌لیدی. سرکرده قراری عقل‌دان گوج آلیب، قیلینج کیمی ایتی اولمالیدی.