مممد امین رسولزادنین سسی ایله بو شعیردن ایکی میصراعنی دفعه‌لرله ائشیتمیشیک. بو مشهور شعیرین مؤلفی امین عابد گونتکین‌دیر. یاخشی تانیمادیغیمیز بو شاعریمیز ۳۹ یاشین‌دا ۱۹۳۷-جی ایلده ایستالینین رپرسییاسینا معروض قالاراق اؤلدورولموش‌دور.

Kult.az همین شعیری تقدیم ائدیر:

سن بیزیم‌سه‌ن، بیزیم‌سه‌ن دوردوقجا بدن‌ده جان،

ائوئت گؤنوللر جوشدو بیر سئوینجین گوجویله

ایستیقلال سئوینجیله، ایستیقلال سئوینجیله...

ایستیقلال، او یاشایان میللتین قلبین‌ده جان،

ایستیقلال، او سعادت، حیات، ظفر، شرف، شان.

ایستیقلال، او سؤنمه‌یه‌ن موعببد بیر مشاله

کؤنوللرده توتوشور، گؤزلرده سؤن‌سه بئله!

ایستیقلال، او وطنین گؤغسوندن یوک‌سه‌له‌ن آی.

ایستیقلال، او سوموکتن، قان‌دان یاپیلمیش سارای.

ایستیقلال، او میللتین پارچالانان باغرین‌دان

گلینلرین، قیزلارین، آخان گؤز یاشلارین‌دان

دوغموش پئک موبارک، پئک مقدس بیر «ایلاه»دیر،

هان‌سی بیر ائرکئک اونو دوشمه‌نلره قاپتیریر؟

آنالارین ساچین‌دان اؤردوغو بیر بایراغی

هان‌سی ائرکئک چیخیب ائد‌جک باش آشاغی؟!

سن بیزیم‌سه‌ن، بیزیم‌سه‌ن دوردوقجا بده‌ن‌ده جان،

یاشا - یاشا چوخ یاشا، ای شان‌لی آذربایجان!