کولت. آذ گونئی آذربایجان‌لی شاعر حسن ریاضینiن شعرینی تقدیم ائدیر:

کؤچسم بو دنیادان آرا ،سئوگیلیم
ائلین قوُجاغیندا تاپارسان منی
سینه‌م یانار داغ‌دیر آتشی سؤنمز
وطن اوْجاغیندا تاپارسان منی

چؤللره - چایلارا دؤنر بدنیم
گۆنشلی، اوُلدوزلو گؤیلر کفنیم
بئشیگیم، مزاریم دوغما وطنیم
اونون توْرپاغیندا تاپارسان منی

قارداش گؤزلرینه حسرت دی گؤزۆم
منی قارا داشا دؤندردی دؤزۆم
قوْشولوب چایلارا آخاندا اؤزۆم
آراز قیراغیندا تاپارسان منی

گۆللرین شهدی دیر قلبیمده دیلک
ایلک باهار عشقی ایله چیرپینیر اۆرک
قسمتیم اولماسا اوْ گۆنو گؤرمک
لاله یاناغیْندا تاپارسان منی

چیچکلی حیاتا وورولوب حسن
ایشیقلی یولونو آلا بیلمز چن
گؤزله‌سن بو یوْلون کروانینی سن
ظفر بایراغیْندا تاپارسان منی