بختیار نیظامینین "سون مسافیر" آدلی شعیرنی تقدیم ائدیر:

یالقیزلیق تانریدان باشلانیر
اوتاغی‌نین ایچین‌ده بۆتۆن أشیالارین
حیس إدیر یۏخلوغونو،
قاطارلار داشیدیق’جا قورتارمیر سۏن‌سيز یۏلجولوق
دَمیر یۏلونون اۏرتاسین‌دا
بیریسی قولاغی‌نـا پیچیلداییر دۆنیا فلسفه‌سی‌نی،
شعر فلسفه‌سی‌نی،
شاعیرلر فیلسوف‌لاردیلار دَمیرلر دۆنیاسین‌دا.
شعر تانری‌نین یوخوسودور،
شاعیرلر گؤرۆر
یازدیق’جا
أرییَرسن
أرییَرسن
آرزی‌لارینی
بئتهۏوئنين اؤچۆنجۆ سمفونیک تراژئدی‌سین‌ده
گؤمۆرسن
سن کیم‌سن؟! نه‌چی‌سن إی اینسان!
کیتاب‌لارین کلۏکسیۏنون‌دا وارلیغین دانیشیر
تاریخین‌ده قیلینج چارپیشمالارین‌دا،
باروت قۏخوسو وار آزادلیغین اۆچۆن
آلبئر کامۏنون یازدیغی کیمی:
آزادلیغی‌نی چالان‌لار چؤره‌گی‌نی تهلۆکه‌یه سالابیلر
هله ده
وارلیغین‌دا
مقصدسیز گئدیرسن،
اۏتوردوغون قاطاردا
آرخان’جا بیر جۆت گؤز
گیزلی’جه ایچی‌نـه آغلاییر
تانری دیکسینیر،
قاطار دایانیر
سۏن موسافیر دۆشۆر.