کولت. آذ محمد حسین شهریارین " تبریز گؤزلی" آدلی قزلینی تقدیم ائدیر:

نازلی-دوزلو او پری چهره کی نرگیزگولودور،

سنی گؤرجک وورولار، سانکی چمن بولبولودور.

سنین اول گؤزلرینین چئوره‌سینین رنگینه، باخ،

قرق اولوب گؤی‌ده سورییا، او، بیر اولدوز گؤلودور.

سلام ائیلر، اییلر سوجدنه، تبریز گؤزه‌لی،

او ظریف سروی-ایر‌م کی، اؤزو شیراز گولودور.

ایتی خنجر قاشین ایله قارا زولفون اویونو

"لزگی رقصی"یمیش، آدی شعرده قافقاز سئلیدیر.

یوخدو شعریم‌ده قدیملرده‌کی ریقت، شوبهه،

بو حکایه دانیشان تئل‌لی سازین اؤز دیلی‌دیر.

گؤزلیم، بیر قولاق آس، دردیمیزین ترجومه‌سی،

موسیقی وارسا، اونون هم بمی‌دیر، هم زیلی‌دیر.

سؤیلیین، اوستا سبا تیتره‌سین اول پرده‌ده کی،

اوردا سیررین ائوینه پاسیبان عشقین علی‌دیر.

جیلویی-هوسنی-ایلاهینله باجارماز رس‌سام،

ده کی، ییغسین قلمی، رنگی، او رنگلر اؤلودور.

یاندیریب قول-قانادیم، سونرا سالیبلار قفسه،

قوشا باخ کی، هله ده اوچماق اونون نیسگی‌لیدیر.

اوفوقون شرق‌ده ایشیقلانماسی اولمور ابدی،

چونکی غرب ده گونشه اؤز یوواسی، اؤز ائلیدیر.

سنه شهرت گتیریب من‌ده هونر گؤزلمیین،

شهریارام، غزلیم اینجه گؤزللر تولودور.