کولت. آذ سایب تبریزینین " اوینایار" آدلی غزلینی تقدیم ائدیر:

اضطیرابی -قلب‌دن زولفون سحر، شام اوینایار،

وحشی قوش دوشسه تورا، اولماز او، آرام، اوینایار.

گون دوشن‌ده گوزگویه، گوزگوده اوینار شعله‌لر،

ساده دیل‌لیکدندی، بیل، مرمترک اندام اوینایار.

هر اورک‌ده شؤوق وار، رقاصه‌لیک لازیم دئییل،

دقت ائت، نی‌سیز-قاوال‌سیز دؤوری-ایام اوینایار.

بیر خطا ائتدین اگر عاقیل اؤنون‌ده، قورخما سن،

نادانا اولما اسیر، ائیلر سنی خم، اوینایار.

خاملیغین‌دان خم‌دا می ساکیت اوتورماز، هئی جوشار.

صوفیی-کامیل سوسار، اوینارسا، بیل، خام اوینایار،

دورماییر دؤوری-فلکده رقصیمیز بیر آن بئله.

واخت خوش اولسا، آلار مطروبلر ایلهام، اوینایار

عشقیده گوجسوزلره امداد ائدر گوجلو کولک،

ساحله چیرپان دنیز تا اولماسا رام، اوینایار.

ذره‌لر گوندن آلیب قوت جهان‌دا، رقص ائدر.

اودلو چهره‌ندن آلان اولسا اگر کام، اوینایار.

اول گونش اوزلو هارا اوز توتسا، خوش تالع اولار،

او بدن‌ده ذرره‌لر باش‌دان-باشا تام اوینایار.

شام گیرر، فانوس‌دا شال‌دان پرده اؤرتر باشینا.

شام دا اولدوزلار کیمی اوینارسا، آخشام اوینایار.

سئل گلر، سایب، هارایلا اوینایار داشلار بئله.

هر اورکده شؤوق وار، ائیلر او، بایرام، اوینایار.