کولت. آذ اومود زنگانلینین "تورک میللیتی" آدلی شعیرینی تقدیم ائدیر:

هارا گئدسه تورک میللتی
خیر برکت آپارار
آزادلیغی سوغات وئرر
قالسا آبادلیق یارادار
یولار تیکانلاری کوكدن
يئرينده گول چیچک بیتر

اینانماسان باخ تاریخه
گز دولان تورک اولکه لرین
دونیانین ان گؤزه ل يئرى
توركلر ياشايان يئرلردى

صولحو سئوه ر تورك ميللتى
صولحدور آبادليق عيللتى
قبول ائتمزلر ذيللتى
باش ايمزلر ظالیملارا
یاردیمدیلار مظلوملارا

باغلانیبلار بیر تانرییا
چالیشیرلار بیرلیک اوچون
اینسان کیمی دیرلیک اوچون

ده ییر وئره للر اینسانا
هر ایرنگده،دین مذهبده
هر دیلده هر بیر نژاددا
ساناللار بیر قارداش کیمی
اؤزلرين اوستون بيلمزلر
خالقلارا حورمت ائده للر

هامينى تانرى ياراديب
فرقيسيز گوروب بیر گؤزده
گؤزلليكلرى پای وئریب
بوتون یارانمیشلارینا

کیم باش اییب خالیقینا
اینسانلیغا قوللوق ائدیب
گونه گون آرتیریب پایین
دولدوروب ده نیزین چایین

تورک میللتین سئویب تانری
نورلاندیریب گونشینی
گؤى اوزره اولدوزون آيين

آزربايجان توپراغینا
بخش ائدیب تام گؤزلليگین
دورد فصیللی ائلیمیزی
چئویریب بهشته اینان

من دئمیرم دونیا دئییر
سئومه لیدیر آزربایجان
ایستی قانلی خالقی کیمی
گؤرمه ليدير هر بير يانى

داغى داشى،چؤل چمنی
اوجا داغلاری،ده نیزی
ايستى سرين بوغلارى
چایلاری،باغچا باغلاری

سانکی منیم وطنیمدیر
یئرسیز دئییل تعریفلریم
کیمسه گؤروب تعريف ائديب
خالقيمين مدنيتين

ازل گوندن تمدونله
یاردیم اولوب اینسانلیغا
بویوک،یوکسک صنعتکارلار
عالیم،شاعیر،هونرمندلر
حاق یولوندا جاندان کئچن
آدلی سانلی قهرمانلار
بو توپراغدان باش قالدیریب

اوجالیبلار گؤى اوزونه
اولدوزلار ايچینده ان پارلاق
آزربایجان اولدوزلارین
یاخشی تانیر بوتون خالقلار

اومودام تورک یازارلاری
یازسینلار بو حقیقتی
تورک آیاغی هارا دیسه
اوردا آبادلیق یارادار
اینسانلیغا ده ییر وئرر
یاشام اوچون یاشاماغا
قورویار صولحو دونیادا

یاشاسین اینسانلیق
یاشاسین آزربایجان
یاشاسین تورک میللتلری