یوخاری

«بس اونون دانشگاهی! بس اونون آناسی، آداخلیسی؟!» - حکایه‌

آنا صحیفه ادبیات
12 Punto 14 Punto 16 Punto 18 Punto

کولت. آذ حبیب فرشبافین "زیرک آدام" آدلی حکایه‌سینی تقدیم ائدیر:

آناسی قول‌لارینی آچاراق اونو باغیرینا باسیب، هؤنکور – هؤنکور آغلاییردی. بیردن آناسینین چیینی‌نین اوستوندن، گؤزو ایزدحامین ایچینده آداخلیسی سارایا ساتاشدی.

– بهروز! بهروز! بهروز! اوچونجو دؤنه آدینی ائشیتدیکده، یوخودان دیک داشلانیب، آغیر – آغیر گؤزلرینین قاپاغینی آچدی. او، بیرنئچه آن‌هاردا اولدوغونو خاطیرلایا بیلمه‌ییب، چاش باش بیرحالدا اویان- بویانا باخیردی. تختی‌نین آشاغی باشیندا یاتان هم اوتاغی بیردؤنه ده اونون آدینی سسله‌دیکده، داها بوسبوتون اؤزونه گلدی.

– بهروز، نه تئز یوخون آپاردی؟!

– مهرداد سحر ائرکن عمله گئده‌جه‌یم، بیلمیرسن مگر؟!

– نئیه، بیلیرم، یوخوم آپارماییر، داریخدیم، سنی اویاتدیم. قیچلاریم گجین آلتیندا یامان قاشینیر، یاتا بیلمیرم.

– فیکرینی باشقا بیر شئی‌له مشغول ائت! دئییرسن گتیریم بیر آز کیتاب اوخویوم – دئیه ـ بهروز آشاغی ائنیب، چیراغی یاندیردی. بهروز کیتابدان بیرنئچه صفحه اوخودوقدا، مهردادین خورولتوسو اوتاغا یاییلدی. بهروز اهمال چراغی سؤندوروب یئنه تختینه اوزاندی. آخ! نئجه شیرین – شیرین یوخو گؤروردوم! خسته‌خانادان مرخص اولوب ائوه قاییتمیشدیم. آنام نئجه ده منی باغرینا باسمیشدی! بس نه دن آنام قاپ –قارا یایلیق اؤرتوب، آجی –آجی دا گؤزیاشی تؤکوردو؟! آغلاماغی سئوینجیندن اولابلیردی، آنجاق قارا یایلیغی؟!

– شوکوراولسون هله کی،‌هامیمیز ساغ – سالاماتیق، قارا فیکیرلری بوراخ! ـ دئیه ـ گؤزلرینی قاپادی.

بهروز سحر تئزدن یوخودان قالخیب، ایلک اؤنجه مهرداد ال ـ اوزونو یوماق ایچون اونا سو گتیریب. سونرا گئدیب ال – اوزونو یویوب، مهردادین یانینا قاییتدی:

– هئچ داریخما بئلیمین عملی چوخ چکمییه‌جک. ائله بو ساعات قاییدارام – دئییب ـ پرستارلا اوتاقدان باییرا چیخدی.

هله سحردن بیر آز کئچمیش مهرداد تکلیکدن بئزیشدی. بیر آز رادیوسونو قوردالادی؛ داها سونرا ورزش گونده‌لیک‌لرینی واراقلاماقلا باشینی قاتدی. نهایت اوزونو بهروزون تختینه طرف چئویریب، گؤزونو بهروزون تختی‌نین باشیندا اولان پنجره‌یه زیلله‌دی. او، پنجره دن باییری گؤره بیلمسه ده، پنجره‌دن اوتاغا دولان گونشین شفق‌لریله خیاله دالدی:

«یقین یئنه آغ – آبباغ بولودلار، گؤم ـ گوی صاف‌هاوادا قاتارلانیب، آستاـ آستا گون باتان طرفه آخیب گئدیرلر، سهندین باشی‌نین شیریق قاری یقین دونندن بری، یئنه بیر آزجادا ایشگه‌له‌ییبدیر. دوغرودان بس نه‌دن بوگون گلین آپارمیرلار؟»

آخی هرگون ماشینلار بوق چالارکن، بهروز بزه‌کلی چیچکلره بورونموش ماشینلارین گلین آپارماسینی پنجره‌دن سئیر ائده‌رک، گؤردوکلرینی بیرجه – بیرجه مهردادا وصف ائده‌ردی.

مهرداد خسته‌خانایا گلن گوندن بئله، تختیندن آشاغی دوشه بیلمه‌سه ده، آنجاق هر دؤنه پنجره‌یه طرف باخدیقجا بهروزون هفته‌لرله اونا شیرین – شیرین وصف ائتدیگی بوتون منظره‌لر بیر به بیر گلیب خیالیندا جانلانیردی، ایندی او، پنجره‌یه طرف باخارکن – «کاش کی منیم ده تختیم پنجره قاباغیندا اولایدی» – دئییب، دریندن بیر کؤکس اؤتوردو.

«گؤره‌ن نه دن بهروز اؤز یئرینی من‌له عوض ائتمگه راضی اولماییر؟ من دؤنه – دؤنه اوندان بونو ایسته‌سم ده او، هردفعه بیر عنوانلا یئرینی منه وئرمکدن بویون قاچیریر. کاش کی باهارین چاتماسینی اؤز گؤزلریمله پنجره‌دن گؤره بیلئیدیم.‌هاچانادک اونون مینتینی چکه‌جه‌یم کی، پنجره‌دن گؤردوکلرینی منه دانیشسین»…

بو آن قاپی آچیلیب، پرستارلار برانکاردلا بهروزی گتیریب، تختینین اوستونه اوزاتدیلار. او، آغزیندا اکسیژن ماسکاسی، قولوندا سوروم، ساپ – ساری صفتیله، بایقین حالدا آرخاسی اوسته دوشوب قالمیشدی، بیر آن مهردادین اونا اوره‌یی یاندی: کاش کی آیاق اوسته دورا بیلیب، اونون باشی اوستونه گئده بیلئیدیم – دئیه ـ بیر آه چکدی.

بهروزون اللرینی تخته باغلامیشدیلار. او آغیر –آغیر نفس آلیردی.‌هاندان –‌هانا بیر آن گؤزلرینین قاپاغینی بیر آز آچاراق، مهردادین اوزونه گولومسه‌دی.

بیر آزدان بهروزون بدنی تیتره‌مه‌یه باشلادی. بیردن اکسیژن ماسکاسی اوزوندن آیریلدی او، ال – آیاق چالارکن بیر ضعیف سسله: – مهرداد زنگ ائله… – دئیه ـ سیزلادی.

مهرداد تئز الینی زنگه طرف اوزاتدی. بو آن بیر قوشون نغمه‌سی پنجره‌دن اوتاغا دولدی. پارکدا سیرایا دوزولموش قلمه آغاجلاری، جور به جور اویونجاقلاری اولان اوشاقلار باغچاسی‌هامیسی بیر به بیر گلیب مهردادین گؤزو اؤنونده جانلاندی. او اؤز– اؤزونه «یوخ من پنجره قاباغینا گئدم گره‌ک» ـ دئیه ـ الی زنگین دویمه‌سیندن اوزولدی. «بس اونون دانشگاهی! بس اونون آناسی، آداخلیسی؟!» او بونلاری دوشوندوکده، یئنه ده اؤز –اؤزونه: «بوراخ! بو فیکیرلرین زامانی دئییل، بو فیکیرلری وئلله!» ـ دئییب، ـ پتوسونو باشینا چکدی…
نه قاپی‌لارین شاققاشاق چیرپیلماسی، نه ده دوکتورلرین، پرستارلارین‌های – کوی سسی، مهردادی بو یالان یوخوسوندان آییلدا بیلمه‌دی. بهروزون جسدینی، پالتارلارینی اوتاقدان آپارمایینجا، مهرداد مطلق باشینی پتونون آلتیندان چیخارمادی.

گئجه‌نی مهرداد سئوینجک سحر ائدیب هله دان یئری سؤکولمه‌میش زنگین دویمه‌سینی باسیب، پرستاردان تختینی عوض ائتمه‌یی ایسته‌دی. پرستارلار اونو گتیریب پنجره قاباغیندا بهروزون تختینه سالدیلار. ایندی او بوسبوتون منظره‌لری اؤز گؤزلریله سئیر ائده‌جه‌یینه اینانیب، هیجان کئچیریردی. پرستار اوتاقدان چیخماق‌هامان او تئز دیرسکلرینی یئره وئریب، بدنینی بیر آز یئردن اوزوب، بوینونو اوزالدیب، پنجره‌دن باییرا باخدی.

بیرآن گؤزلرینه اینانا بیلمه‌ییب گؤزلرینی اللری‌له اووشودوروب یئنی‌دن ائشیگه باخارکن، پنجره‌نین قاباغیندا اوجا بیر صاف دوواردان باشقا هئچ نه گؤزه گؤرونمه‌ییردی….

آچیقلاما:

اوستاد حبیب فرشبافین بو حئکایه‌سی‌نین موضوعسو، اونون دئدیگینه گؤره، اینترنت صحیفه‌لرینده یاییلان «دووار» آدلی بیر یازی اساسیندادیر. تاسفله بو حئکایه «آذری» مجله‌سی‌نین سون نومره‌سینده (۲۲ – ۴ یئنی نشر دؤرو) سهوا قایناقی وئریلمه‌دن یاییلیب و اوستاد فرشبافین حئکایه‌نین اته‌گینده وئردیگی ایضاح، نشر زامانی یازیدان دوشوبدور. بو ایضاح، حؤرمتلی اوستادیمیز حبیب فرشباف و «آذری» مجله‌سینین باش یازاری جناب حسن ایلدیریم‌ین ایسته‌ییله «ایشیق» سایتی واسیطه‌سیله سیز عزیز اوخوجولارا چاتدیریلیر.

تاریخ
2020.06.28 / 10:58
مولف
آینوره مممدووا
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla