کولت. آز گونئی‌لی شاعر آرش احمدینین شعرینی تقدیم ائدیر:

بیز هامی میز گئجه دن قالمیش یاریمچیق تیکه ییک
گئجه لر بیزلرلره قارانلیقلاشیر!
گئجه سوکوتا بورونور بیز فیکره دالاندا
گئجه آددیملاییر کوچه نی بیز اویاق قالاندا...
گئجه اعتیراض لاریمیزین اینقلاب واختی دیر...

اصلینده بیز _
پاییز فصلی ییک
قوشلار کؤچور بیزیم سیخینتیلاریمیزی
بولودلارسا آغلاییر گؤز یاشلاریمیزی
بیزیم یورولماغیمیزدیر
یاپراغی آغاجدان آییریر...

بیز فوتودا گولوشونو ایتیرن آداملاریق
پنجره میزده اوتورور اوُلوم
قاپیمیزدان گیریر ایچه ری خیانت...

شوبهه نیز اولماسین
گئج قالان همشه بیزلریک
آغریلاریمیزا گولورک...

هر نه ایسه
بوش وئر
شاعیرلرین کوینه ییندن بیر قیزین عطری بیتمه ییر...