کولت. آز آذربایجان‌لی شاعر کنعان حاجینین "قهوه دادیندا قادین" شعرینی تقدیم ائدیر:

سن گلنده امیدلرین يورغون واختی ایدی،
سن گلنده بو حیاتین دورغون واختی ايدی.

سن گلنده من الیمی سندن اوزموشدوم،
قدحیمه شراب دئيیل، زهر سوزموشدوم.

اونوتموشدوم سئوگی‌نین ده شیرین دادینی،
عؤمرومه آياق اوجوندا گلن قادینی...

سئوگیلرین اوچقونوندا چیلغین اللریم
کوره‌ییندن سوروشنده ایپک تئللرین...

قار ياغمیشدی، پیچیلتی ايلا دئدین کی، قیشدی،
سن اووجومدا اریییردین قارتک او قیشدا.

سینه‌مده بیر کؤز آلیشیر پايیز چاغیندا،
گل، ایستی بیر قهوه دمله ياغیش ياغاندا.

قیشدا گلمه، قیشدا گلمه، قیشدان قورخورام،
ياغیش ياغیر، پنجره‌دن سنه باخیرام.

ایندی سنین دوداقلارین اوردا اوشويور،
چیچک کیمی ياناغیندا سولوب گولوشون.

کیرپیگینده داملا-داملا نیسگیل هیچقیریر.
ياغیش يوسون آپارسین قوي بو آيریلیغی.

سن گلنده دوداقلاریم سوسوز قالمیشدی،
سیقارئتی سیقارئته هئي جالامیشدیم.

سن گلنده دؤرد طرفیم توستو-دوماندی،
سن گلنده ياشاماغیم ضعیف گوماندی.

سن گلنده گونش باتدی، آي دا گؤروندو،
بو پايیزدان ساغ چیخماسام، گناه سنیندی...