کولت. آذ شاعر کریم احمدیاناین (شاهید) شعرینی تقدیم ائدیر:

سنین همیشه سؤزلرین کاغاذدا انقلابدادیر
هارای_هارای دۆشۆنجه‌لر اۇزۇن زامان عذابدا‌دیر

قارانقیلیْق بساطینی سریب اوْلۇب پاشا بیزه
نه‌دن کی بیز سئون ایْشیْق سؤنۆبدۆر اعتصابدادیر

قناعت ایله‌ینلره همیشه سۇ دنیز اوْلۇب
گؤزۆن یۇماندا وارلیْغا قناعتی حبابدادیر

بئله سانیب اۇزانما سن خیالینی قاطار_قاطار
اوْ گؤرسه‌نن گؤزللییه گۆونمه بیل سرابدادیر

هؤرۆبدۆ سارماشیْقلاریْ بزک _بزک بوْیاقلاییْر
بو ساختا یاخشیلیْقلاریْن فیْریْل_فیْریْل نقابدادیر

بۇلۇد_بۇلۇد ایْشیْقلیْغی حاصاره ساخلایانلاریْن
همن کی آدلاری بوگۆن یاشامدا فاضیلابدادیر

یالانلاریْن ، اوْیۇنچۇسۇ همیشه «شاهید» آختارار
هله آچیْق زمانه‌نین دۆشۆنجه‌سی حجاب دادیر