کولت. آز شاعره سحرخیاوینین اوشاق ادبیاتی سیل‌سیله‌سین‌دن "کئشگه سئرچه اولایدیم" آدلی شعرینی تقیم ائدیر:

آیسَل حَیَط لرینده
ماوی گوءیه باخیردی
سئرچه لری گوءرنده
کوءنلو آرزو توخوردو

دئدی: کئشگه اللاهیم
من ده سئرچه اولایدیم
بوداقلاردا گزه یدیم
ماوی لیک ده قالایدیم

بیر گون دوشوندو آیسَل
چیگنیندن قاناد بیتیب
اولوبدو بیر کیچیک قوش
اوءزو بو قوشدا ایتیب

آیسل گویون اوزونده
قوشلاریلا اوچوردو
هر یئره ایسته ییردی
فوری قاناد آچیردی

اوچماق دان یورولاندا
بیر بوداق دا اوتوردو
اوره ک دن سئوینیردی
آرزوسینا چاتیردی

لاپدان بیر پیشیک گلیب
آغاج اوسته دیرماشدی
یازیغ سئرچه آیسل ین
قورخودان رنگی قاشدی

قاناد آچدی هوءله سک
چیغیریب تخت دن دوشدو
دئدی:تانری شوکورلر
یالنیز یوخو گورموشدو!!