آنا صحیفه ادبیات |
کولت .آذ گونئیلی شاعر کیان خیاوین " یارا یئری غزلی" آدلی شعیرینی تقدیم ائدیر:
قوی ایشلهسین یارامیز ایندی اؤز درین یئرینه!
قوی ایشلهسین روحون ان ایستی،ان سرین یئرینه!
بو آلتی مین درجه ایستیدن سویوق چیله نیر
کوپئرنیکین باشیدیر فیرلانیر یئرین یئرینه.
او کیمسه اؤلکهمیزی ترسه توتموش ایلکیندن
سونوندا جنگ اولاجاق قانلی محشرین یئرینه.
چالارلارین دؤیوشوندن کوسوب خیال ساراییم
یاشیل آفیشلره باخ ماوی مرمرین یئرینه!
نه چان قالیب نه میناره،گلن اؤلوم سسیدیر
آغیت یاغیر داها آللاهو اکبرین یئرینه.
گولوم،داها اوزئییر بی ده صحنهدن چیخدی
کی مشدعیباد اؤزونو قویدو سرورین یئرینه.
و بؤیلهسه...بو قدر ده یئم اولموشوقسا...هله...
"باران" سؤزو داها یئیدیر بیزه "خر"ین یئرینه!
آزادلیغا گؤره مین بیر جینایت ایشله میشیک
بیر ایستیکان سو وئرن وارمی قان ترین یئرینه؟!
آنیمسادیق سنی،آ..ه،ائی گؤزل قادین،جیجی قیز!
دور ایندی سئو بیزی مین ارسالان ارین یئرینه!
کیان خییوو،داها سوس دا چؤکونتو وئرمه بیزه!
قوی ایشله سین یارامیز ایندی اؤز درین یئرینه!
ارامیز ایندی اؤز درین یئرینه!
قوی ایشلهسین روحون ان ایستی،ان سرین یئرینه!
بو آلتی مین درجه ایستیدن سویوق چیله نیر
کوپئرنیکین باشیدیر فیرلانیر یئرین یئرینه.
او کیمسه اؤلکهمیزی ترسه توتموش ایلکیندن
سونوندا جنگ اولاجاق قانلی محشرین یئرینه.
چالارلارین دؤیوشوندن کوسوب خیال ساراییم
یاشیل آفیشلره باخ ماوی مرمرین یئرینه!
نه چان قالیب نه میناره،گلن اؤلوم سسیدیر
آغیت یاغیر داها آللاهو اکبرین یئرینه.
گولوم،داها اوزئییر بی ده صحنهدن چیخدی
کی مشدعیباد اؤزونو قویدو سرورین یئرینه.
و بؤیلهسه...بو قدر ده یئم اولموشوقسا...هله...
"باران" سؤزو داها یئیدیر بیزه "خر"ین یئرینه!
آزادلیغا گؤره مین بیر جینایت ایشله میشیک
بیر ایستیکان سو وئرن وارمی قان ترین یئرینه؟!
آنیمسادیق سنی،آ..ه،ائی گؤزل قادین،جیجی قیز!
دور ایندی سئو بیزی مین ارسالان ارین یئرینه!
کیان خییوو،داها سوس دا چؤکونتو وئرمه بیزه!
قوی ایشله سین یارامیز ایندی اؤز درین یئرینه!
تاریخ
2022.12.30 / 20:22
|
مولف
Axar.az
|