کولت. آز گونئی آذربایجان‌لی شاعر قوجا موغانلینین "قهوه" آدلی شعرینی تقدیم ائدیر:

یوخو چکیر گوزلرينه،
هردن اوُپوشور
اوخ! اوخ...گیپریک لری،
سئوگیلی توستولر اوُپوشور.
چوهورایی دوداقلاری،
ایسیندیریر،
قهوه اَیی سیگارئت کوتویو!
سکوت اوزانیـر، توستولر بویو،
اوشویور، تیتره ییر،سویویور،!
ماسا اوستو، آجی قهوه لر.
چکیلیرم سیگارئتینه!
ایچین، ایچین...! ایچین چکیر
دنیز دولور گوزلرينه
لپه له نير،
سپه لنیر وارلیغیم!
دومانا باتیر باشیم،
اود قالاییر، داغ اوره ییم!
نه لر چکیر بوشاعیر!؟
توستوله ییر بو قادین،
نه لر چکیر!؟
ساریشین تئللرین آغیرلیغی
جیناغینا توکولور،
آرزیلار کوْنولده اَپرییر، خزل،خزل
ایلان بوغازیندان چیخمیش! بویو،
غزل،غزل شئعیره دونور، واراق، واراق
داها دوراخ...!
توت، توت اَلیمدن دوروب گئده ک:
قهوه دادلی گوروشلری تامسیلادیق
خوشباخلیغی، سعادتی یامسیلادیق
خوشباخلیغی، سعادتی یامسیلادیق