کولت. آز شاعر ویدا حشمتینین اوشاق ادبیاتی نومونه‌سی اولان "آنا دیلی" شعرینی تقدیم ائدیر:

دیلیم دیلیم جان دیلیم

دیللره دستان دیلیم
هر سؤزونده بیر ناغیل
هر ماهنی سی شان دیلیم

اولار دیلیمی آتام ؟
دانیشیر آنام -آتام
اؤز دیلیمده لای لالار
اوخویارلار من یاتام .

تاپماجا دئیر ننه م
ناغیللار سؤیلر دده م
ملیک ممد ـ گول فاطما
بیرده کی قورقود دده م

کل اوغلان ناغیلیندان
هوشوندان- عاغیلیندان
دره لر دن- دوزلردن
سولارین چاغیلیندان

حئیوان جیق، آدلاریندان
یئمه یین ، دادلاریندان
اوخوروق دوستلاریملا
بیتگیدن -اوتلاریندان

هربیری آنلام داشیر
چای کیمی آشیر-داشیر
دوم -دورو ، هرکس اونون
زنگین لیییندن چاشیر

دیلیم نئجه گؤزلدی
منیم اوچون اؤزلدی
چوخ سئویرم دیلیمی
دوزوم -دوزوم غزلدی