کولت. آز آلما موغانلینین "من سنی تانیدیم شاعر اولدوم" آدلی شئیرینی تقدیم ائدیر:

منیم اوره ییم گئنیشدی و سنین گؤزلرین

سن بئینیندن دابانینا قده‌ر شعر قوخویوردون

دیرناقلارین یئرینه سؤزجوکلر گؤیه‌ریردی

گؤزلریندن داملایان یازیلمامیش شعرلریمدی

سن یاراتدین بوتون شعرلریمی

و من هر شعریمده یاراتدیم سنی

تانری قیسقاندی منی،

و سنی،

و قادینلیغیمی،

و شاعرلیغینی!!

…

گئدیرسن ایندیسه

ائله اینجه‌دن گئدیرسن کی سئلوللاریم آغرییا دوشور

شعرلریمده دئپرم اولور

سؤزجوکلر آخیر

و سن گئدیرسن گلدیگین همن کوچه‌دن

همن یولدان گئدیرسن

اوزوگونو یئره آتیرسان

و من توپورورم خیابانین اوزونه سنینله آداخلاندیغی ایچین

یاغیش یاغیر،

تانری توپورور اوزومه، سنی یاراتدیغیم ایچین

و سن بیر کاغیذ کیمی‌قیورانا- قیورانا گئدیرسن

بیر شعر اولدوغون ایچین

آما دایان ،

اوچموش شعرلریمی‌ده آپار

گؤزلرینین من ده قالماسین!!!