کولت. آذ آتیلا کیشی زاده نین شعرینی تقدیم ائدیر:

آنامين گؤز پيناريندان، سني يوزلر کوزه قايتارمالييام
سني من دان يئلينه، آلماليغا، نرگيزه قايتارمالييام
بو دولانباج کوچه‌لردن باخاسان، بايدا جوجرمير نييه بس؟

يئريشيندن يئشه‌رن قومساغي بو، کور گؤزه قايتارمالييام
سني ايلغيم چؤلونون چن‌له بورونموش قيزي، يارپيز قوخوسو!
يئني بير آه چکه‌رک، کؤنلومه من، تپ- تزه قايتارمالييام
اؤزونه ياخشي باخ ائي شئهلي سحرلر اسيني، گنجه‌لي قيز
سني گنجه‌م دئييبن، آغزي سولو تبريزه قايتارمالييام
گل سوووش باغريم ايچيندن يئنه چاپ، سويدا قيريق کاروانيمي
سن جيدير کؤهلنيمين ديرناغيني، بو دوزه قايتارمالييام
يئنيدن ائيمه‌لي‌سن، قورخولو داغلار قاتينا، کؤهنه ناغيل
گؤزونون گؤيلويونو سون باهارا، بوز گوزه قايتارمالييام

نئچه دیل قانانا، نئچه انسان دئمک اوْلار
آنا دیلین دانانا، نئجه انسان دئمک اوْلار؟