کولت. آذ نوسرت کسمنلینین "بیر سئودا آغلاییر ایچیم‌ده منیم"آدلی شعیرینی تقدیم ائدیر:

گل دئدیم، کؤکسومه یارالی دوشدو،
ال آچدیم، اللریم آرالی دوشدو،
اونا بو آغ دونیا قارالی دوشدو،
بیر سئودا آغلاییر ایچیم‌ده منیم.

قدری بیلینمه‌دی، عمرو قیریلدی،
حسرت بویون بوکدو، هیجران یورولدو،
او هر گون اینجیدی، هر گون وورولدو،
بیر سئودا آغلاییر ایچیم‌ده منیم.

مین گول سولدورانلار مین گول دردیلر،
یونگول چیچکلری یونگول دردیلر،
من اورک آچان‌دا باخیب گؤردولر،
بیر سئودا آغلاییر ایچیم‌ده منیم.

دونه‌نین بوکولو خاطره‌سینه،
وورغون‌دور بو گونو خاطره‌سینه،
قیسیلیب مورگولو خاطیره‌سینه،
بیر سئودا آغلاییر ایچیم‌ده منیم...

منه‌م داش داشییان او محبته،
ایتمیش قاش-داشییام او محبته،
اؤزوم باشداشییام او محبته
بیر سئودا آغلاییر ایچیم‌ده منیم.

گئج اولدو قدرینی من بیلنده ده،
سئوینجی یاشاییب، غم بؤلنده ده،
اوزومه باخمایین، من گولنده ده
بیر سئودا آغلاییر ایچیم‌ده منیم...»