کولت. آذ آذربایجانین داهی شاعری حسین جاویدین "قوجا بیر تورکون وصیعتی" آدلی شعیرینی تقدیم ائدیر:

یاورولاریم! ای عمرومو شنله‌ن‌دیره‌ن، گول‌دوره‌ن،
آلنی آچیق اوغوللاریم، گؤزل، یوسما قیزلاریم،
بیر قایه‌سیز اوچوروم وار، آیریلمییور اؤنوم‌دن،
عمروم وفا اتمز بانا، بلکه پک آز یاشاریم.

آرتیق بانا دار گلیور هپ شو انگین اوفوقلر،
سانکی روحوم قاناتلانیب شیم‌دی پرران اولاجاق.
قارشیمیزدا یانغین کیبی گؤرونه‌ن آل شفقلر،
اهتیمال کی، یارینکی گون بنی سؤنموش بولاجاق.

اجل گوج‌لو، بن گوج‌سوزوم، کیم‌سه اوندان قورتولماز،
توپلاشینیز، واردیر سیزه بیر قاچ سؤزوم، دینلیین.
گتملییم، وصیعت‌سیز اؤلسه‌م روحوم شاد اولماز،
قولاق ورین سؤزلریمه، بیرر- بیرر بللیین.

ایلک ایستییم: هیچ بیر زامان سیوگی‌دن ال چکمیین،
اینسان اوغلو سیوگی ایچین یاراتیلمیش، دوغموش‌دور.
ییر یوزونو قارداش بیلین، اینسان قانی دؤکمیین،
بو دونیادا بیر قاشیق سو چوق ظالملار بوغموش‌دور.

کیم‌سه‌یه کین باغلامییین، ییگیت اولون، مرد اولون،
ویجدانینیز آلماس کیبی نور ساچاراق پارلاسین.
قونوم-قومشو، یاقین-اوزاق هر کسله همدرد اولون،
قیریق گؤنوللری یاپین، بیراقمییین سیزلاسین.

ظلمه هرگیز یاقلاشمییین، دوغرو یول‌دان شاشمییین،
تانری حاق‌دیر، حاقی سه ور، عدالت‌دن خوش‌لانیر.
یالتاقلیغا ایمرنمیین، کیبره هیچ یاناشمییین،
اؤز حاقینی بیلمه‌یه‌نلر ان سونون‌دا داش‌لانیر.

آرسلان کیبی جسور اولون، فقط حاق‌سیز چیقمایین،
هاقسیزلیغا قارشی قویون، بیراقمایین شیمارسین.
ظالملاری، جللادلاری چینیین، هیچ قورقمایین،
تورک میللتی، گؤرولممیش، بویون بوکسون، یالوارسین.

باق! شو یان‌دا گولومسویه‌ن یینی دوغموش آی ندیر؟
شفقلرین دوغوردوغو بیر قیزدیر کی، هر ییرده
تورک آدینی اعلان ایچین بیر سماوی آینه‌دیر،
ایشته! بیزیم تاریخیمیز… هم ییرده، هم گؤیلرده.

ای سوگی‌لی قوزولاریم! سیزدن بن آیریلیرکه‌ن،
بن‌دن سیزه سون وسیت: هرگیز محضون اولمایین.
ویجدانیملا، ناموسوملا یاشار، حاقی بیلیرکه‌ن،
گوجلوک‌مو وار همتینه قاووشماق‌دا تانرینین!؟

ناموس، ویجدان اینسانلاردا ایکی بؤیوک قانات‌دیر،
اونلار ایله آد‌م اوغلو یوکسک گؤیلردن آشار.
ناموس، ویجدان بیزلر ایچین دای‌می بیر حیات‌دیر،
تورک الی هپ او حس ایچین دوغموش، اونونلا یاشار.

بیر میللتین تاریخی‌دیر کؤکو، یوردو، یوواسی،
تاریخینیز باش اوجون‌دان هرگیز اسکیک اولماسین.
«آلتای» داغی، «ماکان» چؤلو، هم ده «یاسین» اوواسی»
بیرر آیدین صحیفه‌دیر، هر تورک گرک آنلاسین.

سودو تمیز، اصیل اوغول بیلمزمی کی، اجدادی
ناسیل دوغوب یاشامیشلار، نه ارلیکلر اتمیشلر.
بیلمه‌لی کی، تز محو ادر زامان نانکور اولادی،
اؤز نسلینی اونوتانلار چوق‌دان سؤنوب گتمیشلر.

بیر میللت اؤز کؤکو اوسته بیتر، بؤیور، یوکسلیر،
کؤک‌سوز آغاج چابوق قورور، چیچک آچماز، بار ورمز.
باقین، گؤرون تاریخینیز سیزه نلر گؤستریر،
هپ شرف، هپ بؤیوکلوک‌دور، آنجاق شاشیلار گؤرمز.

مرد آتالار ییگیت‌لیک‌ده نام آلمامیش یالینیز،
تا اسکی‌دن اونلاردا وارعلم، حیکمت هوه‌سی.
گونش کیبی تاریخلری پارلاتییور، باق‌سانیز،
سمرقندین دارولفونونلاری، رصدخانه‌سی.

اوت، آرسلان یاورولاریم! تورک الی هپ شان‌لی‌دیر،
آلماس کیبی لکه‌سیزدیر، ساقین، قافیل اولمایین.
عصر، ایگیرمینجی عصردیر! وظیفه‌سی پک آغیر…

آرش ایلری!

قومشولار یول آلدی، گیری قالمایین!