کلوت. آذ آرش احمدینین شعیرینی تقدیم ائدویر:

سنی هئچ گوُزله مه دیییم یئرده گوُزله یه جه م

شوشه سیز پنجره لردن

آغاجسیز کوچه لره

کور گوُزلریمی زیلله یه جه یم ،

سنین گلمه مه یینی...

سنین گلیشینه آنیلاری اوُله جه یم

سونرا اییلیب قولاغیما

هئچ بیر زامان یازیلمامیش شعریمی اوخویاجاغام،

حزین_حزین

داریخان اللریمی

صاباحلارا تاپشیراجاغام_

آپارسین،

سنسیزلییین آخشام چاغیلارینا

سنسیز کافه لرین یالقیزلیغینا

سنسیز شعرلرین یازیق قالدیغینا...

دوداقلاریمی سیگارئت لره یاندیراجاغام،

گوُزلریمی سنسیزلییه آچیلان پنجره لرده آساجاغام_

ساچلاریمی آق بویالارا،

آیاقلاریمی سنسیزلییه دوغرو اوزانان ساققیز کیمی یوللارا_

و اوره ییمی ،

بیر آخشام اوستو تئرور ائده جه یم...

بو تنین گره یی یوخدور

سنسیز بو منین...

سیخیلارسان،

داریخیرسان سا،

باشینی قوی شعرلریمین چیینی اوسته...