آنا صحیفه ادبیات |
کولت. آذ قاسم جبرییل زاده نین "ساده قادین "آدلی حکایهسینی تقدیم ائدیر:
قادینینی آللادان ارکک، اوٌزونو چوخ اوسلو سانیردی. ائله بیلیردی قادینی هئچ نهیی بیلمیر. اوٌز- اوٌزونه دئییردی:
-(نه یاخچی کی، منیم قادینیم سادهدیر. یوخسا قویمازدی گوٌز آچیب گون اوزو گوٌرَم.)
یول بویونجا اوٌزونه دوموک آداملار کیمی، دوداغینین اوجوندا نَسه میزیلدایا- میزیلدایا یورویوردو. ایچی ایچینه سیغمیردی. دوشلری باشقا یئرلرده، باشقالاینین یانیندا گزیب دولاشیردی. بیردن- بیره تئلفونو زنگ چالدی. آچار آچماز:
- الیمده تام سن ایستهین بیری واردیر. دئییب، آرتیردی:- فیلان ساعات دا، ایستهسن بیلدییین آدرئسه گله بیلرسن!
ساعاتا باخیب، واختین اویغون اولوب اولمادیغینی سالیب چیخدیقدان سونرا،(کسینلیکله گلهرم،)دئدی.
تئلفونو کسدیکدن سونرا، الینده کی چَرهکهنی اوچ-دوٌرت دوًنه شاققلیدادیب، سئوینجک آرخاسینا دوٌنوب، جیبینده کی پوللاری یوخلادیقدان سونرا یولا دوشدو. تلم- تلهسیک اوٌزونو اوٌنجهدن بیلدییی آدرئسه یئتیریب، یاشیللیق آلانینداکی داشقولتوغا اوتوروب، بلیرلهنن چاغین گلیب چاتماسینی گوٌزلهمهیه باشلادی. باخینجا ایکی دوَنه آچیلیب باغلانینجا، هیزلا قالخیب، باساماقلاری ایکی- ایکی، اوچ-اوچ چیخماغا جان آتدی. او، قاپینین گیرهجهیینه چاتارکن، سویو سوزولموش بیر ارکک، پیرتلاشیق ساچلارینی تومارلایا- تومارلایا، باساماقلاری یاواش-یاواش ائنیردی.
الینی اوزالدیب، زیلی چالینجا، قویلاقدان خورتلایان آدام کیمی، یاشلی بیر قادین قاپینی آچیب، یان یوٌرهیه گوٌز گزدیردیکدن سونرا دئدی:
-گل تام سن دئییندی. تک پر! آنجاق بونون دَیهری بیرآز یوکسکدیر!
او، الینی بوغونا چکیب، اوُنجه ساییب آییردیغی پوللارین اوستونو آرتیریب، یاشلی قادینین اوزوندن قیرتاراق اونا وئریب، تلهسیک ایچهری گیردی. چینینه سالدیغی گوٌدَکچه کاپشئنی آسقییا آسارکن دویدوغو سس اونون آیاقلارینی یئره چیولهدی. آرخاسینا دوًندویونده گوٌزلرینه اینانماق ایستهمهدی. قاپینین یانلیغینا زورلا سوٌیکهنیب دوندو. تام باغیرماق ایستهییرکن، او، اینجه بیر سسله سسلهنیب، دئدی:
- گل جانیم! ایللرجه ساده سانیب، آللاتدیغین بو قادین، یئنه سنی گوٌزلهییر. گل! اکدییین آغاجین مئیوهسینی دَر ایندی... خیانت تاملی بار گتیریبدیر!...
تاریخ
2020.05.24 / 14:21
|
مولف
Axar.az
|