اردوغانین آمریکایا سفری تاخیره سالیندی - "بلومبرگ"
22:12
آنا صحیفه ادبیات |
کولت. آذ گونئی آذربایجانلی شاعر یعقوب نیکزادین شعرینی تقدیم ائدیر:
بلکه بیر ده گؤروشمه دیک
ایسته یینی گز الیمدن !
قورخورام دیللره دوشک
خییالینی اوز الیمدن !
بوردان گئدن عؤمور سورور
وطن خئییر، دوعا وئریر
آماندی قونشولار گؤرور
چک الینی تئز الیمدن "
قوشولوب قوردا املیکلر
دیکه لیب یولدا گدیکلر
سن گؤردوگون گؤزللیکلر
اوچوب یوزه، یوز الیمدن
منی کیمسه اله آلماز ...
آمما آهیم یئرده قالماز
بیلیرم دردیم ساغالماز
اود آلیر پاپریز الیمدن
بیر گون بو جان باشا چاتار
سینه م اوسته دومان یاتار
آدیم کؤچوب، ایتیب، باتار
توخدایار یولسوز الیمدن
قارانلیغا قوناغام سا
دیلدن دوشن چیراغام سا
قارغالانمیش بولاغام سا
سو ایچیب یارپیز الیمدن
هه... بیلیرم بو یازیق من
هئچه دوشوب گؤزلریندن
سندن قالان سسی، دونن
آلدی دلی قیز الیمدن
تاریخ
2019.07.25 / 13:46
|
مولف
Axar.az
|