Kult.az گونئیلی شاعیر رحمت یاشارین "گول آخشام" شعرینین بیر پارچاسینی تقدیم ادیر:

گول آخشام دیر
بولود آغلیر گوی اوستونده
گوزوندن یاش آخیر هئی داملا داملا ایسلانیر گویلر
بوغولموش گون بولودلاردا
دووارلار دالداسیندا گیزله نیب قوشلار
سنین فیکرینده یم نازلی گوزل منده

قیشا قارشی گئدن یارپاق
قورو تورپاق
یاغیشدا ایسلانیر بیر بیر
و حسرتله دولان گوزلر یانیر بیر بیر
ایچیمده هؤنکورور دیل سیز غریب بیر درد
چتین دیر ٱیریلیق یاردان
تانیش لیق سونسوز اولماز، یاد چیخار دوستلار
بو حسرت عشقه گرچکدیر
گوزل گوزلر یالان سویلر

یاغیش ایسلات منی ایسلات
قوی آخسین سو یانار اوزدن
قوی آشسین سئل دلی باشدان
توکولسون داملاداملا یاش ایکی گؤزدن

چیلیر گویدن یاغیش بیر بیر
سوزور قانلی دوداغلار تک بوداغلاردان
دیلیم گلمیر
بو آخشام داردادیر سؤزلر
یول اوستونده دولو نیسگیل له بیر وورغون سنی گوزلر
گؤزل نازلی