بو، اسرائیله دستکدیر - عبداللهیان
14:11
آنا صحیفه ادبیات |
کولت. آذ گونئیلی شاعر آرش احمدینین شعرینی تقدیم ائدیر:
داها هئچ بیر اولای اولمایاجاق
داها گئجه لر
اوتاغیمین دوواریندان آخمایاجاق دونیا ساواش لاریندا
اؤله ن معصوم اوشاقلارین قانی
و آنالارین دوشلرین دن سوت
ایچیپ کئفله نن اوغلانلارا
نفرت ائتمه یه جم
قیزجیغازلارین یاتاق لاردا
باکیره اولدوقلارینا هوس لنمه یه جم٬
حیزلی کیشی لرین باخیشلاریندان
ماتیک چکیلیر قادین لارین دوداقلارینا...
بوراخ!
داها پولیس لردن قورخماییرام
داها یورمور منی موفتیشین سورولاری
داها گیجلمیرم
داها اوره ییم بولانماییر
داها دار آغاجلارینا بوینوم سیخيلمیر
داها مرمی لره آیاقلاریم ییخیلمیر...
من نئچه واخت دیر بو شعرده اوزانیب اؤلموشم!
گولوشلرینین آیاق ایزلرینده!
دووارا چکدیییم گؤزلرینده!
و گئری دؤنموش مکتوب لاردا...
اؤلومون عادتى اوزانيب اؤلمكدير
تاریخ
2020.05.19 / 14:43
|
مولف
آیتاج آراز
|