کولت. آذ مممد آرازین "نئجه اونودوم..." آدلی شعیرینی تقدیم ائدیر:

باخیرام ائو-ائشیک بوشدور ائله بیل،
سنینله واریم دا، یوخوم دا گئدیب.
بیر اورییم دئییل، بیر جانیم دئییل،
دینجلییم ده گئدیب، یوخوم دا گئدیب.

بیر آنلیق دینجلیم، یوخلاییم دئیه
بیرجه الاجیم وار — اونوتماق سنی!
اوت کیمی، سو کیمی بیلمیرم نیه
هر یئرده یارادیب بو تورپاق سنی.

سیاح اولورامسا، گؤز ایشلدیکجه
اولی، سونو یوخ بیر دوز اولورسان.
من سنی گئجه‌لر اونوتسام، — گئجه،
گوندوزلر اونوتسام، — گوندوز اولورسان.

داغلارا چیخیرام شیمشکلر سن‌سه‌ن،
ساچی‌می داغی‌دان کولکلر سن‌سه‌ن.
بلکه ده بیر سیملی ایکی سازیق بیز،
سن قان‌سان، من اورک، آیریلمازیق بیز.

قوی بیر آن اورییم راحت دؤیونسون،
بو قدر اینصاف‌سیز اولماز کی، آدام!
یوخ، سنی بیر آنلیق اونوتماق اوچون
اؤزومو بیر یوللوق اونوتمالییام…