کولت. آذ حسین جاویدین "قیز مکتبین‌ده" آدلی شعیرینی تقدیم ائدیر:

— قوزوم، یاوروم! آدین ندیر؟
— گولباهار.
— پکی، سنین آنان، بابان وارمی؟
— وار.
— ناسیل، زنگین‌می‌دیر بابان؟
— ائوئت، زنگین، بی‌زاده...
— اؤیله ایسه، گئیدیین گئییم نئچین بؤیله ساده؟
یوخ‌مو سنین اینجیلرین، آلتون بیلرزیکلرین؟
سؤیله، یاوروم! هئچ سیخیلما...
— وار افندیم، وار… لاکین
معلمه‌م هر گون سؤیلر، اونلارین یوخ قیمتی،
بیر قیزین آنجاق بیلگی‌دیر، تمیزلیک‌دیر زینتی.
— چوخ دوغرو سؤز… بو دونیادا سنین ان چوخ سئودیین
کیم‌دیر، قوزوم، سؤیلرمیسه‌ن؟
— ان چوخ سئودییم ایلکین
او الله کی، یئری-گؤیو، اینسانلاری خلق ائیلر.
— سونرا کیملر؟
— سونرا اونون گؤندردیی ائلچیلر.
— باشقا سئودیکلرین ناسیل، یوخ‌مو؟
— وار...
— کیم‌دیر اونلار؟
آنام، بابام، معلمه‌م، بیر ده بوتون اینسانلار…