آنا صحیفه ادبیات |
کولت. آذ قوزئی آذربایجانین مدرین چاغ و بؤیوک شاعری رامیز رؤوشنین شعیرینی تقدیم ائدیر:
'هئچ بیلمیرم من سنی
هاچان،هاردا ایتیردیم؟
یاغیش یودو،
یوخسا کی کولک آپاردی سنی؟
بو سئوگی ناغیلینی
من بیریوللوق بیتیردیم،
آختارمیرام-
آختارسام، یقین تاپاردیم سنی.
دونیادا بیرجه قورخوم
سنی ایتیرمک ایدی،
سن یوخسان
بو دونیادا داها منه قورخو یوخ.
اما سنسیز ائله بیل
هر شئی شیکستدی ایندی؛
ساعتیمین عقربی،
چاینیکیمین قولپو یوخ.
یئل ووردوقجا یئللنیر
پئنجییمین اتیی،
پئنجییمین سونونجو
دویمسیتک قوپموسان.
باری چوخدان سووولموش
آغاجین اوستوندهکی
ان سونونجو، ان شیرین
مئیوسیتک قوپموسان.
– دردلیلر اؤز دردینی
سویا دئیر، – دئییبلر.
یاخشی کی، سو دا گلدی،
دردیمدن آزاد اولدوم.
– آرمودون یاخشیسنی
آیی یئیر، – دئییبلر.
گئتدین، هانسی آیینین
داماغیندا داد اولدون؟!..
سنسیز، ائله بیلمه کی،
کئفه باخیرام، کئفه،
سن یادیما دوشنده
داریخیرام هر گئجه.
اوشاق واختی، هاچانسا،
عمرومده بیرجه دفعه
پیشییمیز ایتنده
داریخمیشدیم بئلهجه.
داها اوشاق دئییلم –
هر ایتنه آغلایام.
راحت یاتیرام داها،
یوخوم دیو یوخوسودو.
... کیمدی بو گئجه یاری
قاپیمی جیرماقلایان؟
بو نه سسدی؟
دئیهسهن، پیشیک میولتوسودو...
۱۹۷۱
تاریخ
2019.10.07 / 11:14
|
مولف
آیتاج آراز
|