کولت. آز نظامی گنجوینین قزلینی تقدیم ائدیر:

گؤزوم آیدین، گؤزومه صورتی جانان گؤرونور،
میشکی-انبر ساچاراق، اترله افشان گؤرونور.

اللها شوکور ائدیره‌م، ائی گؤزومون نورو، بو گون،
یار گلیب گؤز اؤنونه، سروی-خورامان گؤرونور.

آیری‌لیق زهرینی داددیم، آجی دا اولسا، ووسال،
ایکی دونیایا دیر، ائیله کی، هیجران گؤرونور.

سنی بیر دفعه گؤره‌نلر گوونیر عشقیمیزه،
نه اوچون گؤزلرین، ائی دیل، بئله گیریان گؤرونور؟

عشقینی جانیم ایله بسله‌دی بیرلیک‌ده کؤنول،
اونسوز، ائی سئودیجییم، جان ائوی ویران گؤرونور.

ائی سنه‌م، وسلین ایله، ائیله کی، شاد اولدو کؤنول،
ییرت‌دی قم کؤینیینی، گول کیمی خن‌دان گؤرونور.

شادلیغین‌دان آلیشیب یان‌دی نظامی، دئدی کی:
"گؤزوم آیدین، گؤزومه صورتی جانان گؤرونور".