کولت. آذ سحر خیاوینین «نییه چیخدیق یولا بیز؟!» آدلی حکایه‌سینی تقدیم ائدیر:

گئدیردیک قاسیرغالی‌هاوادا
داغ-دره لی،اوچوروملو یوللاردا
تؤکولوردو باشیمیزا خزل‌لر
بئینیمیزده پوسکورن وولقان
اوره‌ییمیزده دلی‌سوو دنیز
گئدیردیک توزاناقدا
باشی‌هاوالی-سرسَم
چؤر-چؤپ گؤزلریمیزده
آیاقلاریمیز قابار-قابار
آچارکَن گؤزلریمیزی
چیخیلماز کوچه‌لریدی
آچارسیز قاپی‌لار
هر یئر دووار-دووار
بیزیدیک پئشمان آیاق‌لار
حوزونلو باخیردیق آرخامیزا
گلدیگیمیز قانلی-قادالی یول‌لارا
آخیتدیغیمیز قان-تَره
قارانلیغا آخیشان سونوج‌لارا
گئجه‌نین دریسی داها قاتیلاشمیشدی
زاوال‌لی ال‌لریمیز قیسیر
کال آرزولاریمیزین بویو اَل چاتماز
ایندی قورتارماز گئجه‌لرده
سیوریلمیش حولقوملاری‌لا «گونَش»باغیریریق
«سحر» چیغیریریق
گؤره‌سن گونَش بیرده قوناق گله‌جک‌می‌نَمیش دوستاقیمیزا؟!