Axar.az
یوخاری
7 اییول 2020


سؤیله، ای بوزقوردلارین یاشیل دیاری، سؤیله! - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ آلماس ایلدیریمین "من کیمه‌م؟" آدلی شعرینی تقدیم ائدیر:

بیر زامانلار آلتایلاردان ائنیب یاشیل دوزلره،

آسییانین قوجاغین‌دا آتش یاخان من‌مییه‌م؟

گؤی خاقانین‌دان سلام گتیریب دنیزلره،

غربه جوشغون بیر سئل کیمی

آخان من‌مییه‌م؟

من‌مییه‌م قیرباجلایان قربین اوفوقلرینی؟

هاردا قیرباجیم منیم، گؤستر مانا یئرینی؟

من کیمه‌م، کیملردنه‌م،

هاردا منیم ائل-اوبام؟

بو دوغرومو، دئییرلر اوغوزموش ایگید بابام،

ساریلمیش اویماقلارا وئرمک اوچون بیر نیزام،

مینه‌رک شیمشکلره گؤی‌ده چیخان من‌مییه‌م،

آنلات منه مئتئ کیم،

جئبه کیم، سابوتای کیم،

چینگیز، تئیمور وارمییمیش،

گورشاد کیم، جیغاتای کیم؟

سؤیله، من‌مییه‌م قوران ایلک بیرلیک اساسینی،

سؤیله، من‌مییه‌م یازان

تورکون تک یاساسینی،

من‌مییه‌م ایندی توتان تاریخیمین یاشینی؟

شیمدی حسرتله بؤیله

دونه باخان من‌مییه‌م؟

من‌مییه‌م اؤلو، دورغون

بیر دنیز کیمی بؤیله،

سؤیله، ای بوزقوردلارین یاشیل دیاری، سؤیله!

تاریخ
2019.10.19 / 22:30
مولف
Axar.az
شرح لر
دیگر خبرلر

اللریم، جئب‌لریمده دوستاق‌دیر- شعیر

آراز اوسته بیر آه چکدیم، آی ائل‌لر!- شئیر

یوخدو بو روسوالیغین دردینه درمان ، ای طبیب- غزل

روقییا کبیرینین بوتون اوشاق- گلین‌لره حصر ائتدیی حکایه‌سی

بدبخت سعادته گولمرم داها- شعیر

قورتولوشا محتاج گلدیم قاپینا - شعیر

ظولمتلری یاراجاق آذربایجان بایراغی- شعیر

من آمما بایراما سنسیز یامان دئدیم نازلیم! - شعیر

آتا نؤوبتی گون یوخودان آییلمادی...

گؤروش میننتی...- ممد آراز

خبر خطّی
 
Axar.az'da reklam Bağla
Reklam
Bize yazin Bağla