یوخاری

گئجه یاری اوتوروب سیقارئتین توستوسویله - شعر

آنا صحیفه ادبیات
12 Punto 14 Punto 16 Punto 18 Punto

کولت. آذ گونئیلی یازار اومید نجاری نین "قلپه‌لر" آدلی شعرینی تقدیم ائدیر:

اووجومدان اسن کولک لر

چیرپینیب ییخیلار بیر گون ترک ائتدیین یوللارا...

ترتمیز بیر پاییز آخشامیندا

پالچیقلارلا کیرلنر خاطره‌لر

ساعتین عقربلری تک.

...فیرلانار خارابا دییرمانلارین آغری داشی،

ایسلانار یاغیشلار اوستونده گؤی اوزو،

ایسلانار یاغیشلار آلتیندا پنجره‌لرین گؤز یاشی.

ثانییه‌سی نئچه‌یه‌دیر گؤزلرینیزین، سوروشا بیلرممی؟

...سکامیالار اللهین آتیلمیش اوغلو،

تنهالارین سورگونلوکده سیغیناجاغی، سکامیالار.

سکامیالار،

اوستونه شعر یازیلار

آغلیمین کوچه‌لریندن کئچرکن یارپاقلار...

قارانلیغی یالایار بیر کیمسه‌سیز ایتین تنهالیغی.

...اوچار آغاجلار گؤی اوزونه،

قونار آغاجلار بیر قوشون بوداغینا،

آغرییار قورشونلارین ویجدانی.

منیمکی شعر یازماق دئییل،

اوتوروب بیر-بیر روحوما باتان قلپه‌لری چیخارماق‌دیر منیمکی!

سنی دوشونمک دئییل،

...گئجه‌لر گونه باخانلارین باخدیغی یئره باخماق‌دیر منیمکی!

او کیم‌دیر گؤزلرینده

گئجه یاری اوتوروب سیقارئتین توستوسویله

شهری دومانا بورویور...

او کیمدیر نفس چکدیکجه

گمی یئلکن لری هاوالانیر...

باکی گئجه‌لری سویوق اولور...

آدینی اوستومه چکیرم.

اووجوم دولو قلپه‌لرله...

...یئنه حسرت،

یئنه حسرت،

یئنه حسرت!

تاریخ
2019.10.23 / 22:19
مولف
Axar.az
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla