آنا صحیفه ادبیات |
کولت. آذ مشهور آذربایجانلی شاعر قابیلین "سهو دوشنده یئریمیز" آدلی شعیرینی تقدیم ائدیر:
دومان داغی دولانار
قیامت اولار
دومان یولا ساللانار،
مصیبت اولار
مصیبت اولوروق بیز
سهو دوشنده یئریمیز.
عمان گمیسی چایدا
اوتورار اوزمز!
چای گمیسی داغ بویدا
دالغایا دؤزمز
دؤزومسوز اولوروق بیز
سهو دوشهنده یئریمیز.
موغان حسرت یاغیشا
بولودلار خسیس
یاغیش توکور تالیشا
هی-هی گرکسیز...
گرکسیز اولوروق بیز
سهو دوشهنده یئریمیز.
کوت بیچاق پاریلداییب
خیرچیلتی سالیب
قیلینج قیندا پاس آتیب
قیندا کور قالیب
حیف، کور قالیریق بیز
سهو دوشهنده یئریمیز.
آغ بیلکلر، گول اللر
تارلادا قابار...
بیر غیرتسیز یئکپر
قیزیل گول ساتار.
غیرتسیز اولوروق بیز،
سهو دوشهنده یئریمیز.
تارین پردهلرینی
دوزهنه قوربان!
یئردییش ائت بیرینی
خاریج وورارسان.
خاریج سسلنیریک بیز،
سهو دوشهنده یئریمیز...
تاریخ
2020.05.31 / 11:56
|
مولف
Axar.az
|