حوثیلرین ایندیهدک هجوم ائتدیی گمیلرین سایی...
20:16
آنا صحیفه ادبیات |
کولت. آذ آذربایجانلی شاعر ناظیم احمدلینین "گئدک، بیر عمور یاشایاق" آدلی شعرینی تقدیم ائدیر:
اورییمه بیر سؤز آخیب،
کؤورلیب دولدوغوم یئرده؛
پاییز ندن آت اوینادیر،
بهارین سولدوغو یئرده؛
تاج اولدوم، تاختدان ییخیلدیم،
بیر شیرین باختدان ییخیلدیم؛
ندن، تلسیب دوغولدوم،
دردین دوغولدوغو یئرده؛
من دردی گؤردوم، یاخیندان،
آلیشیب یاندیم، آهیندان؛
آنام چکیلمیر، یوخومدان،
ساچینی یولدوغو یئرده؛
هانی آرزو، هانی دیلک،
نه جینم، نه ده کی، ملک؛
گؤیدن داش یاغایدی، فلک،
سنه قول اولدوغوم یئرده؛
هر طرفده فیتنه گزیر،
بو یورددا یاد ایت، نه گزیر؛
خئییر-برکت نه گزیر،
حاقین بوغولدوغو یئرده؛
دیوارا کیلیم یاراشیر،
چکهنه زولوم یاراشیر؛
آداما اؤلوم یاراشیر،
یورددان قووولدوغو یئرده؛
نئینیریک، دردی داشییاق،
داش گؤتور، دردی داشلییاق؛
گئدک، بیر عؤمور یاشییاق،
دردین سووولدوغو یئرده.
تاریخ
2019.11.02 / 15:05
|
مولف
Axar.az
|