کولت. آذ بختیار واهابزادنین "بایراق" آدلی شعیرینی تقدیم ائدیر:

تورپاغیم اوستونه کؤلگه‌لر سالان
منیم وارلیغیمین جیلاسی-بایراق.
ظفردن دوغولموش،گؤیتورکدن قالان
قوردباشلی بایراغین بالاسی بایراق.

اوچرنگلی بایراغین کؤلگه‌سینده من
قاراجا تورپاغی وطن گؤرموشه‌م.
ظفر گوللرینی دؤوری-قدیمدن
بایراق ایشیغین‌دا بیتن گؤرموشم.

بایراق منلییمدیر، بایراق کیملییم،
بایراق-اؤز یوردوما اؤز حاکیملییم.
هاردا اجدادیمین آیاق ایزی وار،
بو ظفر بایراغیم اوردا دیکل‌سین.

کئچدیی یئرلرده داغلار، یاماجلار
اونون حضورونا سلاما گلسین.
تاریخ‌دن قدیم‌دیر، زامان‌دان قوجا
منیم بایراغیما سانجیلان حیلال.

عالمه نور ساچدی تاریخ بویونجا
معبدلر باشینا تاج اولان حیلال.
دایم اوجالاسان! ساواش گونون‌ده
عسگر سیلاحییلا سنی تن گؤروم.
یالنیز ظفر چالمیش شهید اؤنون‌ده
سنی آلقیش اوچون اییله‌ن گؤروم.