کولت. آز موسا یاقوبون "دونیا" آدلی شئیرینی تقدیم ائدیر:

دونیا اؤز یئرین‌ده توتوب‌دور قرار،
داغ دا یئرین‌ده‌دیر، دومان دا، چن ده.
دونیانین ایشینی قاریش‌دیرانلار
قاییدیب دونیادان گیلئی‌لنه‌ن‌ده،
جللاد دا اؤزونو حاق‌لی بیله‌ن‌ده،
آغیر یارالارین آغری‌سی جان‌دا،
وفاسیز، دونیادان وفا اومان‌دا،
دونیایا آدامین یازیغی گلیر.
گوناه‌سیز یارانمیش دره‌یه، چایا،
قایایا آدامین یازیغی گلیر.

اینسانین اومی‌دی بو تورپاق کی، وار،-
داغینا، دوزونه بیزیک هاوادار.
تورپاغین اوستون‌ده بد عمللرین
نه واخت کی، هؤرومچک تورلاری آرتار،
هیله اوخلارینین آغری‌سی جان‌دا،
دورماق اولمایان‌دا پیس‌لییه قارشی،
یورد-یووان اؤنون‌ده ناچار قالان‌دا،
سئومک اولمایان‌دا بو داغی، داشی،
نه دئسه‌ن بیتیره‌ن، نه دئسه‌ن وئره‌ن
تورپاغا آدامین یازیغی گلیر.

بو قدر یاخشی‌لیق،
ایشیق ایچین‌ده
ایختیار وئردیین – دوزو ای‌ن‌ده،
اعتبار ائتدیین – سؤزو ای‌ن‌ده،
ایت‌ن‌ده آرادان وفا، اعتبار،
گووندیین داغا ال‌نه‌ن‌ده قار،
اورک‌ده اود توتوب یانان‌دا اینام،
بیر سؤز: دؤنوکلرین عمللرینه،
بعضی آتالارا باخان‌دا آدام،
آلیب گله‌جه‌یه آرادیغیمیز
اوشاغا آدامین یازیغی گلیر.
بابا میراسیمیز مقدس اودا –
اوجاغا آدامین یازیغی گلیر.

قاییدیب دونیایا باخیرسان بیر ده،
یاخشی آداملاری آز اولان یئرده
دونیایا آدامین یازیغی گلیر،
گوناه‌سیز یارانمیش دره‌یه، دوزه،
قایایا آدامین یازیغی گلیر...