کولت. آذ ائلوین پاشانین "منی گؤرسه‌ن قوجاقلا..." آدلی شعیرینی تقدیم ائدیر:

ساچلارینا قوربان اولوم،
ساچلارینی آغارتما.
...اللرینه قوربان اولوم،
دعالاری اونوتما

...گؤزلرینه قوربان اولوم،
ها طرفه باخیرسان؟
دیللرینه قوربان اولوم...
بیلیرسن کی گلره‌م
هانسی یول‌دان چاغیرسان.

...اوریینه قربان اولوم،
درمانینی ایچیرسه‌ن؟
...باخیشینا قوربان اولوم،
نیین دردین چکیرسن؟

...گولوشونه قوربان اولوم،
نئجه گؤزل گولوش‌دو.
...آیاغینا قوربان اولوم،
حیاتی‌می دییش‌دی.

...کیپریینه قوربان اولوم،
یاناغین‌دا آرزو وار.
...نیه بئله تیترییر
دوداغین‌دا آرزولار.

حیاتینا قوربان اولوم...
چوخ اویناما اوجاقلا.
...قوللارینا قوربان اولوم،
منی گؤرسه‌ن قوجاقلا

اللهینا قوربان اولوم،
آرامیزی قاتیرلار...
...هردن سن ده قوربان اول،
هردن منی خاتیرلا.