کولت. آذ قابوسنامه-اؤیود،نصیحت کیتابی- پندنامه‌دن بیر حیصه‌نین ترجمه‌سینی تقدیم ائدیر: بیتلری آذربایجان رسپوبلیکاسینین امکدار معلمی، تورکولوق ناظیم نصرالدینوو ترجمه ائدیب

هر سرعتین سر حدی وار.
ایشین-گوجون بیر حدی وار.
گؤرورسه‌ن کی، بختین یاتیر،
دونیا سنه اولماسین دار...
***
بیر دوستومون سون ایش گونو
سؤزلریمین تصدیقی‌دیر.
قوجالمیشدی مودیرلیکده
هامی بونو تصدیق ائدیر.
***
آت اوینادان واختی گئتدی،
ایت اوینادان واختی گئتدی...
اساسلانیب پاخیرینا،
قول چک‌دیلر آخیرینا ..
***
سانیردی کی،دونیا اونون
یئتمیشین‌ده - گنج‌لیگی‌دیر.
دینجلمه‌یه چوخ‌دور واختی،
بو ایش اونون دینج‌لیگی‌دیر.
***
دئیه‌ن یوخ‌دور قاشین اوسته
گؤزون واردی، ایندی او یوخ.
داها بس‌دیر. آتینی سور،
یورولوبدور ایندی او چوخ.
***
نهایت کی،کئچیریل‌دی،
ایداره‌ده بیر ییغین‌جاق...
گؤندری‌دی ایستعفایا،
سن اوزلرده سئوینجه باخ...
***
اولانی دا ،اولمازی دا
تعریفله‌ن‌دی ائیهام ایله.
پؤرتدت‌دیلر، قیزارت‌دیلار،
ایکیباشلی سلام ایله.
***
"آی ائل‌دیر،آی بئله‌دیر،
گؤروله‌ن ایش باش ایل‌دیر.
نؤوجاهان‌سان، بیلیریک کی،
ایندی ایش-گوج یاش ایل‌دیر !"
***
اوزون سؤزون مصطفیسی،
اؤز یئرینی بیل‌دی مودیر.
باخ‌دی ساغا، باخ‌دی سولا،
اؤز کندینه گل‌دی مودیر..
***
یانا - یانا یاخیل‌دی او.
هر سیفت‌ده اؤزون گؤردو.
هر یاریمچیق قالیق ایشده
اؤز لپیرین،ایزین گؤردو.
***
گولوم‌سه‌دی...بو نه گولوش؟!
سینه‌سینه باشین ایدی.
داها یاخشی اولمازدی‌می،
مودیرلیک‌دن تئز گئتسی‌دی؟
***
آلقیشلارین هاواسییلا ،
حیاتین‌دان گئت‌دی مودیر...
توی- بوسات‌دا یاشاییردی،
بوسات‌دان گئت‌دی مودیر.
***
یئرینیزی بیلین، بیلین.
راحت‌لیقلا عؤمور سورون.
سون ایش گونو دوستوم کیمی
سورونمیین دیزین-دیزین.