اوکراینا آمریکایا وئردیی وعدی یئرینه یئتیرجک - سالیوان
24 آپرئل 23:51
آنا صحیفه ادبیات |
کولت. آذ آشیق شمشیرین "آنام یادیما دوشدو..." آدلی شعیرینی تقدیم ائدیر:
سحرین واختیندا اوجا داغلارا
گون دوشنده آنام یادیما دوشدو.
قولاغیما هزین بیر لایلا سسی
یئتیشهنده آنام یادیما دوشدو.
چمنگول آچاندا موروو داغیندا،
بولبول اوخویاندا سبزه باغیندا.
کؤرپهجه قوزولار یایلیم چاغیندا
ملشهنده، آنام یادیما دوشدو.
گلدی خیالیما آنالی چاغلار،
آناسیز سینهمه چکیلیب داغلار.
گؤردوم کی، دالاشیر دجل اوشاقلار،
دیللشهنده، آنام یادیما دوشدو.
بالاسین چاغیریر مئشهده الیک،
شمشیر ده دینلییر الینده چلیک.
قارتال قیی ووراندا، قایادا ککلیک
اؤتوشنده آنام یادیما دوشدو.
تاریخ
2019.11.16 / 15:44
|
مولف
Axar.az
|