کولت. آذ "هیدینین ایتی" حکایه‌سینی تقدیم ائدیر:

اگر یولونوز هیدیگیلین حیطینه دوش‌سه، ایتلریندن قطعییا قورخمایین. هورمکله آراسی یوخدو. یاد

آدام گؤرسه آغزینی مومکون قدر گئنیش آچیب قیرمیزی دیلینی چؤله اوزادیب جانی-دیلدن گرنشه‌جک.

والسلام! سونرا گؤز قاپاقلاری تنبل-تنبل یومولاجاق و ایت درین بیر یوخویا گئده‌جک.

هیدینین بو تنبل ایتینین غریبه بیر خاصیتی ده وار. گئدنه یولداشدی، گلنه قارداش. توتاق کی، مئشه‌یه گزمه‌یه گئدیرسن. هیدینین تنبل ایتی دوشه‌جک یانینا، آرابیر هوره‌جک ده. یعنی من ده اؤزومه گؤره بیر ایتم. باخ، بو خاصیتینین اوجوندان اونون باشینا بعضا غریبه ماجرالار گلیر.

بیر دفعه بو ایت کؤچه قوشولوب داغا گئتدی. کؤچ یایلاقدا یئربیئر اولان‌دان سونرا هیدینین ایتی قالدی اورتالیقدا. آخی اونو کؤچه قوشولماغا دعوت ائد‌ن اولمامیشدی. ایت قولاقلارینی ساللاییب چنه‌سینی قوللارینا دیره‌ییب درین فیکره گئتدی کی، نئیله‌سین. "بو اوزونلوقدا یولو تک-تنها نئجه گئری قاییدیم؟ منه دئیه‌ن گرک آی عقل‌سیز، هر گؤردویون کؤچه نیه قوشولورسان؟!" خیلی فیکیرلشندن سونرا بئله قرارا گلدی کی، بیر ده کؤچه-زادا قوشولماسین.