کولت. آذ خولیو کورتازارین "آلاقاران‌لیق‌دان اؤزگه" آدلی کیتابین‌دان "گله‌جک" آدلی شعرینی تقدیم ائدیر:

و آرتیق بیلیرم کی، اوردا اولمایاجاق‌سان،
کوچه‌لرده،
گئجه‌لر ایشیق دیرکلرین‌دن
گلن اوغولتولاردا،
یئمک سئچه‌ن‌دن سونرا اوفیسانتی چاغیران
او ال ایشاره‌سین‌ده.
مئترودا سیخیلیشمیش
آداملاری راهلایان او گؤزل تبسسوم‌ده،
اوخونماقچون امانت آلینمیش کیتابلاردا،
و "صاباح گؤروشریک" دئییله‌ن ویدالاردا...
آرتیق اولمایاجاق‌سان منیم خیاللاریم‌دا،
آرتیق اولمایاجاق‌سان هر سؤزومو ایلک دویان...
اولمایاجاق‌سان نه بیر تئلئفون نؤمره‌سین‌ده،
نه ده او خوش رنگین‌ده بیر قادین کؤینیینین،
یا دا بیر جوت الجیین...
قهر منی بوسبوتون بورویه‌جک، عزیزیم -
من کی یاشامایاجام داها سن‌دن اؤتری...
شوکولادلار آلاجام،
فقط سنینچون دئییل...
هئچ واخت گلمیجیین دؤنگه‌ده دوراجاغام،
دئییلمیش سؤزلر ایله قاتاجاغام باشی‌می،
هامی یئیه‌ن یئمکله دویوراجام قارنی‌می،
کهنلمیش خیاللاری قوراجاغام، عزیزیم...
و آرتیق بیلیرم کی، اوردا اولمایاجاق‌سان،
نه بوردا، ایچری‌ده -
سنی هله ساخلایان قلبیمین داخماسین‌دا.
نه ده اورادا، چؤل‌ده -
کوچه‌لر، کؤرپولرین هئی آخان چایلارین‌دا...
سن هئچ اولمایاجاق‌سان،
بلکه، قالمایاجاق‌سان حتی خاتیرم‌ده ده...
فقط هاچان دوشون‌سه‌م، فیکیرلش‌سه‌م من سنی،
بیر فیکیر چولغاشاجاق اوندا بوتون آغلیما،
سنی خاطیرلاتماغا چالیشاجاق گیزلیجه...