یوخاری

ندن اینسانی دار آغاجین‌دان آسیرلار؟-حکایه‌

آنا صحیفه ادبیات
12 Punto 14 Punto 16 Punto 18 Punto

کولت. آذ گونئی‌لی یازی‌چی عزیز سلامینین "دار آغاجی" حکایه‌سینی تقدیم ائدیر:

آتامین و قارداشیمین ائوه گتیردیی قزئتلره من ده باخاردیم. هله اوخویا بیلمه‌سه‌م ده اونلاردا وئریله‌ن فوتولاردی منی ماراقلاندیران. اونلار بیزیم اؤلکه‌نین شکیللری ایدی. اوخوماق بیلمه دن اؤلکه‌میزی او شکیللرله اوخوماغا باشلامیشدیم.

اونلارین بیر چوخو اوز-گؤزلرینی توک باسمیش، قاشقاباق‌لی و یور غون قاچاق‌چیلارین فوتولاری ایدی. اونلارین ایچین‌ده گوله‌نلر چوخ
آز اولوردو. واردییسا، تک-توک لوتئرئیادا بیردن بیر قوجاق پولا چاتانلارین فوتولاری ایدی.

قاتیللرین، جینایت ایشله‌یه‌نلرین فوتولارینین سورک‌لی سرگیسیدی او قزئتلر.

بایرام واختلارین‌دا دا اؤز شان‌لی گؤرکه‌می ایله بوتون اونلارین بیر هئچ‌لیک و بیر بوشلوق اولدوغونو وورغولایان شاهلار شاهی شاهیمیزین فوتوسو وئریلیردی. اونونکو بوتون او بیریلرینکینین اوزرین‌ده دوروردو، چوخ اوزرینده، چوخ.

او فوتو اوشاق اورییم‌ده بیر آرزو اویاداردی: کئشکه بوتون شکیل لر اونونکو کیمی اولای‌دی، اوز-گؤزلرینی توک باسمایای‌دی،
آجیق‌لی-آجیق‌لی، اؤفکه‌لی-اؤفکه‌لی باخمایای‌دی و اونونکو کیمی شان‌لی و گولر اوزلو اولای‌دی!

بوتون او فوتولارین ایچین‌ده منی داها چوخ ماراقلان‌دیران بیرفوتو واردی. من اونو باخدیغیم قزئتلرده چوخ گؤرردیم. اونو
هر گؤردویوم‌ده داها دا ماراقلانار و هم ده ایچیم‌دن بیر سارسینتی کئچردی. قورخویلا قاریشیق آنلاشیلماز سورغولار دویاردیم. او، دار آغاجین‌دان آسیلان اینسانلارین فوتولاری ایدی.

ندن اینسانی دار آغاجین‌دان آسیرلار؟ آغاجلاری چوخ سئوه‌ن، اونلارین چیچیینی، مئیوه‌سینی گؤزله‌یه‌ن و اونلارا هوسله دیرماشان
من بوتون آغاجلار ایچین‌ده یالنیز دار آغاجین‌دان قورخوردوم.

بیز آغاجلارین دیلینی بیلمیریک، نئجه کی، اونلار دا بیزیم دیلیمیزی بیلمیرلر. بیلسی‌دیلر، دیل آچیب دئیردیلر:

– بیز سیزه تر-تمیز هاوا وئردیک، سرین‌لیک وئردیک، هر رنگ‌ده گؤزل قوخولو چیچکلر وئردیک، بیر-بیرین‌دن دادلی مئیوه‌لر
وئر دیک، بیزیم اؤلوموز بئله ائو-ائو سیزین یاشامینیزی راهاتلاشدیردی، گؤ زللشدیردی، هر بیریمیزه بیر آد وئردینیز، او آدلا رازیلاشدیق، اما بوتون دونیا آغاجلارین‌دان بیر سورون، اونلارین هان‌سی دار آغاجی اول ماق ایستییر سیزین اوچون؟

تاریخ
2020.05.31 / 12:25
مولف
Axar.az
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla