آنا صحیفه ادبیات |
بو گون خالقیمیزین سئویملی شاعری واقیف صمدوغلونون وفات ائتمهسیندن بئش ایل کئچیر...
کولت. آذ واقیف سمدوغلونون "اوزاق یاشیل آدا" آدلی شعیرینی تقدیم ائدیر:
اورییم یول چکیر بیر گؤزه دؤنوب،
یوللار دا ترس کیمی اوزانیر، گولوم.
یوخومدان هر گئجه دورنالار کئچیر،
بیلمیرم نه اولوب، هارادان بیلیم؟!
بئله گئتسه سینار قوشلارین سسی،
دنیزین ده سسی گونبگون باتار.
یوبانما، عزیزیم، گل قورتار منی،
آرخادان درد چاپیر، قورخورام چاتا...
تئز اول خبر وئر، گؤروم نئجهسهن،
گؤزلرین نئجهدی، یئریشین نئجه؟
یامان داریخمیشام، من سندن اؤترو،
باری بیر سوراق وئر اؤزون گلینجه.
یئرینی بیلمیرم، بیلسهم گلرهم،
کؤنلونو آلارام، سئورهم یئنه.
خزرین کؤکسوندن قالخان دومانا،
قارا شانی بوکوب گتیررهم سنه...
حالیما یانان گرک سسین دوشهنده یادا،
اؤتن گونلری قورو، یاخشی باخ، وئرمه بادا...
آیریلیق بیر دنیز ایمیش، سن اوزاق یاشیل آدا...
تاریخ
2020.01.28 / 21:22
|
مولف
آینوره مممدووا
|