کولت. آذ میرزه علی اکبر صابیرین گونئی آذربایجانین قهرمان اوغلو ستارخانا حصر ائتدیی «ستارخانا» شعیرینی تقدیم ائدیر:

حالی-مجزوبیم گؤروب، قاره، دئمه دیوانه‌دیر،

نعریی-شوریده‌می ظن ائتمه بیر افسانه‌دیر،

شاعرم، تبیم دنیز، شعری-تریم دوردانه‌دیر،

باحجتیم، عیشیم، سروریم، وجدیم، احرارانه‌دیر،

اینجیزابیم جورعتی-مردانه‌ی-مردانه‌دیر،

آفرینیم همتیم -والایی-ستارخانه‌دیر.

تا کی میللتین مجمعین تهران‌دا ویران ائتدیلر،

تورکلر ستار خان ایله عهدو پیمان ائتدیلر،

ظولمو ایستیبداده قارشی نیفرت اعلان ائتدیلر،

میللته، میللیته جان نقدی-قربان ائتدیلر،

آیه زبهی عظیم اعتلاقی اول قوربانه‌دیر،

آفرینیم هیمتیم-والایی-ستارخانه‌دیر.

حق مددکار اولدو آذربایجان اتراکینا،

آل قاجارین پروتست ائتدیلر زؤحاکینا،

اول شهیدانین سلام اولسون روان پاکینا

کیم، تؤکولموش قانلاری تبریز و تهران خاکینا،

اونلارین جنت دئییلدیر منزیلی، آیا ندیر؟

آفرینیم همتی-والایی-ستارخانه‌دیر.

ایشته ستارخان، باخیز، بیر نؤع اقدامات۰ ائدیب،

بیر وزیر و شاهی یوخ، دونیانی یکسر مات ائدیب،

ایرزی-ایسلامی، وطن ناموسونو یوز قات ائدیب،

حؤرمت حیثیت-میللیتین اثبات ائدیب،

ایندی دونیانین توجه نقطه‌سی ایرانه‌دیر،

آفرینین همتی-والایی-ستارخانه‌دیر.

ایشته ستارخان، باخیز، ایرانی احیا ائیله‌دی،

تورکلوک، ایران‌لی‌لیق، تکلیفین ایفا ائیله‌دی،

بیر رشادت، بیر هنر گؤستردی، دوا ائیلدی،

دؤولتین بیر عینینی دونیادا رسوا ائیله‌دی،

قاچماییب پروانتک اوددان، دئمه پروانه‌دیر،

آفرینیم همت والایی-ستارخانه‌دیر.

آفرین تبریزییان، ائتدیز عجب عهده وفا!

دوستو دوشمن ال چالیب ائیلر سیزه صد مرحبا!

چوخ یاشا، دؤولتلی ستارخان، افندیم، چوخ یاشا!

جنتی-اعلاده پیغمبر سیزه ائیلر دعا،

چون بو خیدمتلر بوتون ایسلامه‌دیر، اینسانه‌دیر،

آفرینیم همت والایی-ستارخانه‌دیر.