آنا صحیفه ادبیات |
کولت. آذ حسین جاویدین "نووروز بایرامی" آدلی شعیرینی تقدیم ائدیر:
ایشته نووروز! یئتیشدی فصلی-باهار.
گلدی عشرت زامانی، قارداشلار!
نه گؤزل بایرام… آه، نه خوش فورصت!
ساییلیر اهل زوقه بیر نعمت!..
بؤیله شاد گون دوشرمی بیر ده اله؟
کئچیرین بئش گون اؤمرو لذت ایله.
یالینیز هانکی ائوده یاس وارسا،
بیر اونون بورجودور کی، توتسون ازا.
بیرینین اؤلسه قارداشی ناچار،
قارا بایرام توتار… بیر عادت وار.
هر کیمین یوخسا بؤیله بیر عذری،
ائیشو نوش ائیلهسین او… یوخ زرری.
گرچی «المؤمونون اوخوووه» دئمیش
امری-پیغمبری حکایه ایمیش.
جمله قارداش، - دئییر رسولی-خدا،
هانکی ایسلامهدیر بو سؤز عجبا؟
بلکه بیر باشقا خلقهدیر بو خیتاب؟
نیه لازیم، جانیم، سیخینتی، عذاب.
بوتون ایراندا، جمله بالکاندا،
چیرپینیر قارداشین قیزیل قاندا!
ایشته بیر قتلگاهه دؤنموش یئر!
محو اولان یوز دئییل کی! یوز میندیر.
آنا! همشیره! ای نیشانلی گلین!
سیز ده اصلا سیخیلمایین، سئوینین.
ازیلیر محو اولورسا عائلهلر،
سیزه عایید دئییل بو غملی خبر.
گئتسه عفت، کسیلسه امجکلر،
سئوینین!.. ایستمز دوشونجه، کدر.
بوتون عالم داغیلسا، اود توتسا،
بیزه لازیمدیر ایمدی زؤوقو صفا.
بیر مسلمان کی، اوندا قئیرت وار.
سئوینیر، کف ائدر، چالار، اوینار.
سئوینین! زورنا، توی چالین، سئوینین،
نه گؤزل بایرام! اوف، گولون، سئوینین!
دینه، ناموسا کوسدونوزسه، گولون!
سئوینین، هپ گولون!.. نه نشهلی گون؟!
تاریخ
2020.03.22 / 11:48
|
مولف
Axar.az
|