Axar.az
یوخاری


ائشیت‌سه‌م گلیرسن، اوچارام، اینان- شئیر

آنا صحیفه ادبیات
12 Punto 14 Punto 16 Punto 18 Punto

کولت. آز خلیل رضا اولوتورکون "ائشیت‌سه‌م گلیرسن..." آدلی شئیرینی تقدیم ائدیر:

ائشیت‌سه‌م گلیرسن، دؤنره‌م یئله،
اؤپره‌م موبارک قده‌ملرینی.
ایچره‌م بنؤوشه کیرپیکلرین‌دن
آسیلان میرواری شبنه‌ملرینی،
اؤپره‌م موبارک قده‌ملرینی.

ائشیت‌سه‌م گلیرسن، اوچارام، اینان،
پنبه بولودلارلا قوجاقلاشارام.
آچارام کؤکسومو یئددی ایقلیمه.
دلی چایلار کیمی آشیب-داشارام.
پنبه بولودلارلا قوجاقلاشارام.

ائله بیر گول‌سه‌ن کی، عؤمور باغیم‌دا
سنی نفسیمله بسلمیشه‌م من،
قؤنچه باغلاچی‌سان گؤز قاباغیم‌دا،
سنی دان یئرین‌دن سسلمیشه‌م من.
سنی نفسیمله بسلمیشه‌م من.

ائشیت‌سه‌م گلیرسن، چیخارام یولا،
بوتون یوللار بویو گوللر اکره‌م،
ایکیمیز بیر قلب‌ده یاشایاق دئیه،
سنه قلبیم بوی‌دا بیر ائو تیکره‌م،
بوتون یوللار بویو گوللر اکره‌م.

من – ائو‌م، سن منیم اود-اوجاغیم‌سان،
باغبانام، سن منیم بارلی باغیم‌سان
من داغ بولاغییام، سن بولاق‌لی داغ،
دونیادان ان بؤیوک اوماجاغیم‌سان.

اورییم او قدر یانیق‌دیر کی،
آز قالا قانادلی بیر قوشا دؤنه‌م،
سنین تئللرینه دوزولمک اوچون،
یاغیشا، زومروده، داش-قاشا دؤنه‌م.
آز قالا قانادیه بیر قوشا دؤنه‌م.

گورشادلا، باهارلا، یا قاتارلا گل!
هر بیر قده‌مینی کؤنلوم ایزلییر.
یوز-یوز، میلیون-میلیون دالغالارلا گل،
سنی ساحل‌ده بیر قایا گؤزلییر،
هر بیر قده‌مینی کؤنلوم ایزلییر.

تاریخ
2020.03.31 / 23:35
مولف
Axar.az
شرح لر
دیگر خبرلر

گل، اول حیات‌دا یولداش اولاق بیز- شئیر

طایفایا سس دوشور کی، حاج حسنقولونو ایلان چالیب-حکایه‌

عشقدن جانیمدا بیر پنهان مرض وار ای حکیم... - محمد فضولی

سنی بوش یئره سئومه‌میشدیم - حکایه

صمد وورغونون شعیر حصر ائتدیی شاعر

ان گؤزل قادینلار شعیرلرده سوسورلار - آذربایجانلی شاعر

هئچ کس آغلاماسین اؤلنده منه - سهراب طاهیر

ایشیغا حسرت قالان گؤز ایشیق سئوه‌ن کیمی- شعیر

تانییاق و تانیداق: گونئی‌لی شاعره لیلی کهالی- فوتو

اویویور... باق نه خوش، گولر یوزو وار- شعیر

خبر خطّی
 
Axar.az'da reklam Bağla
Reklam
Bize yazin Bağla