کولت. آز حسین جاویدین "منیم تانریم" آدلی شئیرینی تقدیم ائدیر:

هر قولون جیهان‌دا بیر پناهی وار،
هر اهلی-حالین بیر قیبلگاهی وار،
هر کسین بیرعشقی، بیر ایلاهی وار،
منیم تانریم گؤزل‌لیک‌دیر، سوگی‌دیر

هزز ائتمدیم فیرقه‌دن، جمعیت‌دن،
زؤوق آلامام حرب‌دن، سیاست‌دن،
بیر شئی دویمام فلسفه‌دن، حیکمت‌دن،
منیم روحوم گؤزل‌لیک‌دیر، سئوگی‌دیر.

گؤزل سئویم‌لی‌دیر، جللاد اولسا دا؛
سئوگی خوش‌دور، سونو فریاد اولسا دا؛
اوغرون‌دا بنلییم برباد اولسا دا،
سون دیلداریم گؤزل‌لیک‌دیر، سئوگی‌دیر.

گؤزل‌سیز بیر گولشه‌ن زین‌دانا بنزر،
سئوگی‌سیز بیر باش‌دا اقربلر گزر،
نه گؤرسه‌م، هانکی بزمه ائتسه‌م گوزر،
هپ دویدوغوم گؤزل‌لیک‌دیر، سئوگی‌دیر.