آنا صحیفه ادبیات |
کولت. آذ ابولقاسیم نباتینین " گلمز" آدلی غزلینی تقدیم ائدیر:
ندن اول بوتی-پریوش دولانیب بو یانه گلمز،
مگر اول خرابه ائودهن اوسانیب جزانه گلمز؟
نه قیلیم، ائدیم نه چاره او نیگاری-نازنینه،
دویانیب جهان سؤزوندن، اؤزو بیر ایانه گلمز.
باشینا دؤنوم، دولانیم، او بویون بلاسین آلیم،
نیه تورکی-چشمی-مستین اوخو بو نیشانه گلمز؟
دؤشنیبدیر ابرو زولفون نه خوب آل یاناغین اوزره،
نیه بس او قارغی ساچین اوزانیب دابانه گلمز؟
لبی-له’لی-روح’بخشین گله گر ترههوم اوسته،
دیریلیر بو خسته، بیللاه، دئمه کیم، بو جانه گلمز.
دئمه چوخ گؤزلدی لئیلا، نچیدیر اوزون زولئیخا،
بئله دیلبری دیلارا دخی بو جاهانه گلمز.
من اونون قاداسین آللام، من اونون فداسی اوللام،
او ندیر کی، یوخدو سانی، او بو سؤزدو، سانه گلمز.
دئسه گونده اللی مین یول بو سؤزو اگر زبانیم،
گئنه دئر کی، بیر ده سؤیله، یورولوب امانه گلمز.
منی چوخ دا من’ قیلما بو فغانو های-هو’دن،
اود ایچینده بس اوزرریک نه قیلار، فغانه گلمز؟
چاغیرین حسین بالانی، اوخوسون بیر خوش کلامی،
اله بیر ده دخی، بیللاه، بئله خوش زمانه گلمز.
سنه دردی-هیجری یئکسر ائدرهم حکایه، اما،
قلهم الده سیز-سیزیلدار کی، بو سؤز بیانه گلمز.
هانی بس، گؤرهن نه اولدو، منی دردو قم توکتدی،
نیه گلمهدی، یوباندی، نه ائدیب بهانه، گلمز؟
باسار ایت هایانا گئتدی، هانی فیشقیریق سداسی،
نه گلیبدی خانچوبانه کی، بو قیش موغانه گلمز؟
بو سؤزو بیهنمهسین قوی او رقیبی-نهسو مش’اوم،
بئله له’لو دورری-مکنون، ائله چال قابانه گلمز.
گوجینهن دئییل، عزیزیم، بو شهابی-عشقدیر، عشق
کی، او برقی-نخلی-ایمن هر اودون ییغانه گلمز.
قلمی-شیکسته قدله سؤزو رشکی-دورری-ناب ائتمه،
اله دخی بیر ده، بیللاه، بئله خوش فسانه گلمز.
کئچر ارشی-کیبرییادن تفی-برقی-آهی-آشیق،
آلیشار، یانار و لاکین گؤزه بیر زبانه گلمز.
سری-کویی-یاره گئتمیش گئنه قان اوچون نباتی،
او بلالی آشیق ایندی باتیب آل قانه، گلمز
تاریخ
2020.04.04 / 22:32
|
مولف
Axar.az
|