کولت. آز قاسیم بی زاکیرین "گل‌سین" آدلی شئیرینی تقدیم ائدیر:

بادی-سبا، سؤیله منیم یاریما،
گؤزللر چیخیب‌دی سئیرانه، گل‌سین!
تغافول ائتمه‌سین ایشرت چاغی‌دیر،
ایچیلیر هر یئرده پئیمانه گل‌سین!

بنؤوشه‌لر سال‌سین باشین آشاغا،
نرگیز اولسون گؤزلرینه ساداگا،
گول جامالین گؤروب دوشسون تورپاغا،
بولبولو گتیرسین افقانه، گل‌سین!

سیاه زولفو تر بوخاق‌دا دنلنیب،
سونالار یئریشی اوندان اؤیرنیب.
اووچو گؤرموش مارال کیمی سکسنیب،
اوغرون باخا-باخا هر یانه، گل‌سین!

بارماغین‌دا خاته‌م، بئلین‌ده کمر،
تئلین‌ده گوشواره، دونیا تامام زر،
قر اولسون یاشیلا آلا سراسر،
ناز ایله ساللانه-ساللانه گل‌سین!

سورمه چک‌سین گؤزلرینه، قاشینا،
گون‌ده مین یول من دولانیم باشینا،
زاکیر تک یانماغا عشق آتاشینا،
جورتی وار ایسه پروانه گل‌سین!