کولت. آز ایتالیالی یازیچی استئفانو بئننینین "فال‌چی" حکایه‌سینی تقدیم ائدیر:

باریتون بیر سسله، فالچی دئدی:

-کسین

مشتری فالچی‌نین دئدییینی ائتدی.

فالچی اوچ کارت سئچیب، یاواش یاواش اونلاری اؤز قارشیسیندا آچدی.

- بیرینجی کارت دئییر کی، بو ایلین مارت آییندا لندن، پاریس و روما‌یا دهشتلی هجوم‌لار اولاجاق و واشینگتونا آتوم بومباسی آتیلاجاق.
کیشی اودقوندو.

- ایکینجی کارت دئییر کی، آمریکانین رئاکسیاسی نتیجه‌سینده دونیانین اوچده ایکی بؤلومونده فلاکت باش وئره‌جک، اقلیم ده‌ییشه‌جک و ایکی میلیارد اؤلونون اولاجاغی اوچونجو دونیا ساواشی باش وئره‌جک.
کیشی باشینی قاشیدی.

- اوچونجو کارت دا دئییر کی، بو گونلر چوخلو دوشوندویونوز قادین، سیزی سئویر و او سیزه گئری دؤنه‌جک.

کیشی‌نین گؤزلری یاشلا دولاراق دئدی:

- چوخ ساغ اولون، چوخ منتدارام

فالچی‌نین پولون اؤده‌دی و چیخدی. کوچه‌یله گئدرکن انسانلار، آغاجلار، گؤی، هر شئی اونا داها گؤزل و داها ایشیق گؤرسه‌نیردی.