کولت. آز رفائل اینجیوردون شئیرینی تقدیم ائدیر:

الهی! کیم پوزوب بو ترازلیغی؟!
بیرینده هر شئی وار، بیرینده هئچ نه
انسانلار نه قده ر گوناهکاردیر کی _
دایازدا هر شئی وار ، درین ده هئچ نه!

دوروب قوللوغوندا قولون _ کؤله نین
ایپینی أییردیک أیری گله نین
هر اوزه گوله نین _ اوزو گوله نین
دخلینده مین درد وار، تهرینده هئچ نه!

گل ای گلن لرله گه دئ یوردونا
هاردادی یورد اوغلو گئده یوردونا
آیاغین دیمیرسه دده یوردونا
اؤلون ده هئچ نه دیر _ دیرین ده هئچ نه!

داغلاری، داشلاری، قوشلاری سئودیک
دوغولدوق هر یازنان، قیشلاری سئودیک
یاناغی گؤينه دن یاشلاری سئودیک
نه قالدی بو عشقین یئرینده؟ هئچ نه !

"اینجه یورد" گؤينه دیر ایچین ندیرسه،
کؤچور یوخلوغونا کؤچون ندیرسه
سئوینجین کیمه سه بیر هئچ ندیرسه
غمین ده هئچ نه دیر، دردین ده هئچ نه!